والله ما صارت هاي درااسه كله تعب
كرهونا فالدراسه كل يوم امتحانين ويا بعض وتقارير وامتحانات شفوي وواجبات
شو يبونا نسوين ندرس الامتحان ولا التقاير ولا الشفوي ولا شوو!!؟؟
لاااا وبعد تكفي معااااملة المعلمات اففففف شو نسوي غصبن عنا
والله لو ان ابوي مابقولي شي لو فنشت والله لفنش ومابداوم
مانروح ندرس انروح ننذل وانرد نترجى المعلمات بس عشان يأجلن الامتحانات وبعد مايطيعين
وكل يهددن انهن يحطلنا صفر
وكل يقولون والله الموجه قال جيه ونحن مانقدر نسوي شي
يعني شو نسوي والله نحن بشر مب مكاااين 24 ساعه نكد من هالدراسه .
السمووووحه بس حبيييت اطلع اللي فخاطري
ما عليج أختي أنا بعد طلعت عيوني من هالدراسة وياليت عاجب أحد كله يهددونا
بتنقيص الدرجات
وانهم بيطرون دفاترنا إذا ما حلينا الواجب
بيوصلون الأسامي للمديرة
بيتصلون في ولي الأمر
بيحطون إمتحانات صعبة إذا بغينا إعادة
بيزيدون الكمية لو أجلنا الإمتحان
لا وفوق ها كله يتمون يقولون
(إنت منو مدخلج علمي )
(اللي مو ويه علمي تنتقل من الحين)
(أنا ما أبى أغبياء في صفي )
(ما نبى وحدة تصد يمين وإلا يسار نباكم شرات المدرسة العسكرية)
وإذا سكتنا وما تكلمنا :
(إنتوا ليش ساكتين الأدبي أحسن منكم)
(عفاني الله إنتوا ليش هاديين دخيلكم سووا حشرة )
(أنا من أدش هالصف اييني رقاد )
(ما تبون مخدات وكفرات وإلا أقول أبند عنكم الليت أحسن)
وفوق هذا ما يبوننا نقول إننا تعبنا أظني المكاين أحسن مننا على الأقل لي تعبت تخترب بس نحن بضاعة من نوع آخر يجرى إستهلاكنا ليل نهار .
والسموحة أدري إني طولت بس فيني
حرررررررررررررررررررررررررررررررررررررررررررة
والله عقولنا صحون كل ابلة تيي تحط اللي تباه ..
ولا اونه حتى نحن نتعب جي انتوا مادة وحدة
احنا 11 مادة مب شوي بعد ..!
اونه حتى الشاطرات يتذمرن
جي مب آوادم ما يحسون
حسوا فينا الاحساس نعمه ..
احنا مب مكاين …
هم وغم شايلينه طول الاسبوع ( امتحان تحريري . شفوي . تقرير ، واجب . شرح درس . تسميع . تحضير … الخ )
و كل ابلة طالعة لينا بشروط و اوامر ….. اونه الكورس طويل … و عندكم وقت ….
لا نقدر نطلع و لا نسولف مع الاهل ……
هو صح هذا النظام حلو … و يساعدنا في كسب الدرجات ….
لمنه في نفس الوقت متعب …. ويهلك العقل و يزيد التفكير …..
الله يعينا و يعين جميع الطلبة ….
اختك في الله …. ملكة الغراشيب
ورايي من رايكم .. بس مهما تكلمنا ورمسنا واترجينا مستحيل يسوون لنا شي
بس ع فكره مب كل الابلات جيه ,, في ابلات وربي نحطهم ع عينا وروسنا لكن الثانيات ما يستاهلون الصراحه من معاملاتهم الخرا
اصبروا اخواني وخواتي ع اللي اييكم ترا العلم بعد عباده ..!
وحطوا لهكم اهداف وشعارات بالحياه ( شراتي خخخ) وقولوا ان شاء الله نتغلب ع هالصعوبات اللي تواجهنا وبنتحمل وبنصبر عسب نحقق طموحات واهداف ونبين للابلات اننا قدها وقدود ..!
وانا الحمدلله واثقه من عمري مهما عصبوا عليي الابلات ومهما سبوني خخ شعاري بالحياه ( واثق الخطى يمشي ملكاً)
والسموحه ^^
تغتبن المعلمات اللواتي تعبن لتربيتكن و تعليمكن .. اهذا جزاء الاحسان .. و ما جزاء الإحسان الا الإحسان ..
أولاً .. ما سبب اعادة الأمتاحن برأيكن ؟؟
مقدمين مب عدل ؟ ليش مب مقدين عدل .. لأنكم أهملتم الدراسة و بالتالي .. تصل الى مرحلة ترجي المعلمة لإعادة الإمتحان ..
ثانياً : ماسبب قول المعلمات لذلك الكلام الذي قالته ساره ..لأنهن يتعبن أكثر منكن خاصة الفتيات اللواتي يذهبن للمدرسة عبثاً -.-…
مع المدرسات كل الحق في قول ذلك لأنهن يملكن كل الحرية بفعل ذلك نظراً الى أن المدرسة لها عائلة و أطفال و إن كان عازبة .. الا ترعى بيتاً ؟؟
إذاً نستنتج أنه يجب الأعتذار للمعلمة عما بذر منا .. لإصلاح مشكلة كره الدراسة يمكن اقامة منافسة شريفة .. كيف؟؟ تسابقوا بين الصديقات من يمكنه أخذ أكبر درجة دون اعادة الامتاحان
مع جزيلا الشكر 
شو نحن ما نفهم يكونن 3 حصص واكثر ورا بعض
صعب بعدين
وكل شوي تنازع واذا قلتالها ابلة نريد نشرب ماي تنازعنا
اوووووووووف شو هذا
وإذا الأبلة في يوم صرخت على الطالبات ترى هذا من الضغط الكبير عليها
حرام عليكم لا تظلمون الأبلوات…
وكلام إختي اللؤلؤة الذهبية صح في صح
المدرسين/والمدرسات صح يتعبون ويشكروا/ ويشكرن على كل مجهود.
لكن لايجب أن تعطى الصلاحية المطلقة لدى المدرسين والمدرسات
بحيث يقولو/ يقلن ما يحلو لهم/ لهن ويفعلو/ ويفعلن كل مايردنه من دون رقيب ولا حسيب
وأكرر شكري ع المجهود اللي يبذلنه
