ثانوية التكنولوجيا التطبيقية ATHS
.png "(28)")
..
بس يمكنك اول ما تتخرج من المعهد تدخل اي تخصص تريده ..
صح
شحالكم اخواني وخواتي ؟؟؟
بصراحة خلاص أنا هب عارفة شو أسوي
أنا امتحنت امتحان القبول في المعهد وكنت مقتنعة لدرجة أني خلاص أبي أنتقل هناك وأكمل دراستي هناك
بس لما دخلت المنتدى انصدمت وصرت محتارة ما أعرف شو أسوي
من كثر ردودكم وكلامكم عن المعهد خلاص صرت ما أريد أدخل ومنو قال أصلا أنه البنات يدرسون تمريض يا ناس يا عالم تأكدوا من هالشي نحن نعرف على أنه في دراسة هندسة وتمريض هب بس تمريض
وأنا طموحي أكون مهندسة
وأنتوا ع الكلام اللي تقولونه عن المعهد صرت ما أبي أدشه مع أني قبل جم يوم كنت مقتنعة من بعد الامتحان ومستانسة اني بدش المعهد وبدرس وبتعلم انجليزي ورياضيات أكثر من تعليم المدارس الحكومية وبحقق طموحي لكن من كلامكم احترت ومب عارفة شو أسوي
الللي يشتكي على أنه المعهد مب زين واللي يقول دراستهم صعبة والدوام طويل
أصلا ألحين ما شي دراسة مب صعبة كل المناهج مغيرة وكل شي صعب لما دخلتوا المعهد قلتوا صعب يعني لأنه المدارس الحكومية لعب وراحة ما تبون تسهرون الليالي وتخدمون وطنكم اللي خدمكم وعشتوا فيه ما تذكرون أقوال ابوي زايد الله يرحمه لازم نسهر عشان نحصل اللي نباه ونحقق طموحاتنا في هالدنيا ألحين ما في شي بدون تعب
انسوا اللعب هب لازم تلعبون في حياتكم اجتهدوا وادرسوا واخدموا وطنكم شرات ما خدمكم
ما أريد أطول عليكم أكثر من جذيه بس من كثر القهر ما أعرف شو أقول وطلعت كل اللي في خاطريه
ورغم هالكلام أنا بتحداكم وبدخل المعهد ان شاء الله وبقولكم بعدين المعهد شو قدم لي وشو علمني
ما شي دراسة بدون تعب
ومع السلامة والله يسامح الجميع
حتى انا يوم ادخل انحبط …في بعض الاحيان..
ما عليج من كلام اي حد …
اهم شي انت الشي الي تبينه ..
اصلا لو كانوا بس يدرسون التمريض ..
يمكن بس 50 طالبة راح تكون في المعهد …
تحيات ::: بينك شيك
يا اختي ليش هالتشاؤم والاحبـــاط …
انا رديت على موضوعج السابق وقلت لج كلام اكيد انه التخصصات المطروحة هيه نفسها اللي عند الشباب يعني ما في فرق ما عدا تخصص زيادة علوم صحيــة ..
وبعديــن وين ما رحتي بتلاقين في دراسة صعبة والشي اللي ايي بالساهل ماله طعم وما تحسين بفرحته ..
توكلــي على الله ونحن كادارة معهد ما سمعنا بالرمسة اللي قالولج اياها انه للبنات بس التمريض ..
لا تصدقيـــن كل شي ينقال .. وان شاء الله الامور تصير على ما تحبين ^^
مشكورة PINK CHICK على كلامج والله أنج ريحتيني أكثر
مشكوووووووور وما قصرت يا خوي IAT ADMIN وان شاء الله التشاؤم خلاص راحت أيامه ونحن عيال اليوم ان شاء الله نرفع من تقدم بلادنا والله يوفقك يا خوي وريحتني الصراحة وما عليك قصور
مشكوور أخوي بصمهـ ابهامي وان شاء الله التوفيق لنا ولك في حياتك وان شاء الله تكون من المهندسين الكبار ونفتخر فيك في بلادنا ومشكور على كلامك والله يوفق الجميع ان شاء الله
وللعلم انا اختــــج وحياج الله ..
بس الدوام و المنهج طويل …هذا الي متعبني
بس انتي شووووويه شدي حيلج وكل شي بيكون سهل
ومثل ما قال الاخ بصمه ابهامي …احلى 3 سنين كانت في المعهد
وتوكلي على الله … وإنشالله اتكوني على نفس الحماس الي انتي فيه الحين لين 3 سنوات.
لان نحنا فالبدايه كنا مثلج .. ..
و السمووووووووووووووووحه ..
شحالكم….؟
عندي استفساار .png "(33)")
بما ان دوام المعهد اطويل
ونرد البيت متاخرين مايمدينا الا وظلمت الدنياا
كيف نظمتوا وقتكم ؟
((الدراسه والراحه ووووووولاحظت الاكثريه عنهم معلمين ف البيت هل الدراسه تحتااج للمعلم خصوصي؟؟!!
والسـ’ـموحه..~
قصــر الوقـتـ
واــلله ارد الـبـيت الســاعـه ثـلاث ونـصـ 
ارقـد
الــين ٨ انــش اظـهـر 
لـين ١٠ ونـص 
ـ ارد ادرسـ واســوي
ـ الــبروجكـــتاتـ
لـيـن ١١ وربعـ
عقـــبـ اقــعد معـ اهــلـي لـين ١٢ ونصـ
ايــلس عـلا الاـب لـــين ١ ونـصـ وعقـــبها ارقـد احـسهـ عـــاديـ 
بس وين الباااقي ولا بس نحن اللي ف المعهد هع هع
::
كما ترين أختي الكرمية كل طالب وضع له خطة وكلن حسب جهده وحبه للدراسة
فأنصحك بأن تقومي بوضع خطة دراسية خاصة بك لأن كلّ انسان وله نفسية وله ظروف تختلف عن غيره فحسب ظروفك وأعمالك قومي بوضعها
وهكذا لن تضعي اللوم على أحد ان حصل شيء
وأيضا ستكون هذه الخطة ملائمة لك لأن من وضعها أنت بنفسك
هذه نصيحتي وان شاء الله تستفيدي
::
أتمنى لكم التوفيق
ادعوولي بس
بناات الحين اول يوم شو بنلبس ؟؟
وشو بنحتاي اول يوم ؟؟
وانيب شنط اول يوم ولا لا ؟؟؟؟
انيب العقد ولا مايحتااي ؟؟؟
والعقد هااتيه ويااج يمكن تحتاجينه
اما البااقي مااقدر افيدج لاني مب متاكده اذا نيب الشنط اول بس اتوقع لا والسموووحه
ولكن .. ما هو هذا "العقد" ؟!
في إنتظار جواب الأسئلة الثانية
قالتلي نحن ما عندنا شي اسمه عقد دراسي قالت بس فحص طبي بس عقد ما شي
انا اقول ييبو شنطكم عشان اذا عطونة كتب كيف بتشلونهنشحالكم؟
حبيت اسئلكم متى رح يبدا عاام الدراسي 2024 – 2024
اللي انا اعرف بيبدا شهر تسعه بس ما اعرف اي يووم بليز قولولي متي
اخواني انا صف اول ثنوي وزهقت من الدراسة والسنة الياية ان شاء الله ناوي اطلع من المدرسة وابا نصيحتكم وين ادش المركز التاهيل المهني او
المعهد التكنلوجي
انا خايف ادش المعهد لاني سمعت هناك الدراسة صعبة
شوي
والي يعرف اي شي عن مركز التعليم والتاهيل المهني لا يبخل علينا
وكيف الدراسة هناك وكيف امتحانات اخر السنة
بس ع التدريب المهني نووو ماعرف عنه شي ..
ماعرف شي عن مركز التاهيل المهني .. بس انصحك بالمعهد .. الدراسه سهله اذا كنت تعرف انجليزي بيكون وايد سهل عليك اما اذا ما لا بتواجه صعوبه فالبدايه بس بتتاقلم و بتتعلم .. و له مستقبل
بالتوفيق انشاله
السنة اليايه الله كريم وين ما الله كاتب بنسير
انا عن نفسي حبييت المعهد بس قواانينهم مب حلوووه …… و حسييت انه االدراااسه يعني مش وااايد صعبه يعني عاااديه… و كلاساات بعد اوكي…
والقوؤانيين الصرااحهـ واايد مشددييين …
والكلااسسات حلؤوؤوه ^^
اخواني اخواتي
الي في المعهد و يعرف يفتح الادمن لا يبخل !!
+
يعني الي يعرف الباس لان طريقه البوت ما تنفع !!
هل الشهادة معتمدة ولا ما معتمدة
هل المعهد سهل ولا صعب
المقابلة سهلة ولا صعبة وشو يسألوا
الدراسة سهلة ولا صعبة
كيف الحصص هناك مثال: في المدارس الحكومية 3 حصص كل حصة 50 دقيقة بعدين فسحة 20 دقيقة بعدين اربع حصص و نروح البيت
و مشكورين
مرحبتين فيك أخوي!
في البداية أنا كنت متردد مثلك لكن بالأخير دخلت و الحين
عادي عندي مرتاح و الحمدلله، شوف إنت الحين سجّل ما بتخسر شي
عقب فكر تدخل و لأن يمكن يقولولك عقب خلص التسجيل.
آولاً : أن الشهادة مب معترف فيها هذي إشاعة!
بالعكس الشهادة اللي في المعهد معترف فيها عالمياً إذا تبا بعد،
و تقدر تدخل فيها أي جامعة برع الإمارات.
ثانياً : المعهد سهل و لا صعب!
جوف ياخوي أول شي بتشوفه صعب لكن عقب بتتعود عليه و بيصير سهل
لكن لازم تذاكر أول بأول عشان يسهل عليك أكثر و أكثر.
*بس لازم ما تستهتر و تلعب لازم تجد و تتعب عشان ترتاح بالأخير.
ثالثاً : بخصوص المقابلة و الإمتحانات و القبول
نزلنا من يومين موضوع خاص لكم إنتوا – اللي بيسجلون في المعهد –
إضغط على الصورة اللي تحت و بيحولك للموضوع مباشر
رابعاً : الدراسة تعتمد على الشخص!
بس يعني إنت يوم بترجع البيت أقرى اللي خذتوه و سو هالشي كل يوم
بتسهل عليك الدراسة خاصّه يوم الإمتحانات
*المناهج إنجليزية – ما عدا اللغة اللعربية + التربية الإسلامية –
خامساً : نظام الحصص و البريك.
هممم جوف كل حصّة 45 دقيقة و نظام الجدول كالتالي:
يبدا الدوام 7:30 حصة 1 + 2
بعدين البريك الأول 45 دقيقة
بعدين الحصة 3 + 4 + 5
بعدين البريك الثاني 40 دقيقة
بعدين الحصة 6 + 7 + 8
ينتهي الدوام الساعة 3:00
أتمنى إني أفدتك.
حمّود
المشاركة الأصلية كتبت بواسطة نونووت 
بس حبّيت أوضح.
الشهادة معترف فيها عالمياً
فترة الاستراحة بشقيها ٣٠ دقيقة ..
وشكرا ..
المشاركة الأصلية كتبت بواسطة WaLd AlDaR فترة الاستراحة بشقيها ٣٠ دقيقة ..
وشكرا ..
لا أخوي أنا من المعهد و هالوقت صحيح
البريك الأول 45 الثاني 40
المشاركة الأصلية كتبت بواسطة ولد الكعبي17 هل الشهادة معتمدة ولا ما معتمدة
شهادة المعهد معترف فيها وتساوي شهادة الثانوية الحكومية
هل المعهد سهل ولا صعب
اذا انت مهتم في المدرسة ومجتهد بيكون كل شيء سهل عليك وهم بيدرسونكم اول باول وعندهم حصص تقويه ولاتخاف المعهد حلوو ودراسته حلوه صح في البداية بتحس انه صعب شوي لاكن بعدين بتحس انه سهل وحلوو ^^
المقابلة سهلة ولا صعبة وشو يسألوا
المفابلة مافي شيء اسهل عنها اسئلة عادية ولا تحتاي سهله
بتلاقي في الاعلانات فوق
شروط/معلومات القبول في معهد التكنولوجيا التطبيقيّة لعام 2024/2012
ادخله
الدراسة سهلة ولا صعبة
ادرس اول باول وشوف عاد ان شاء الله من الاوائل بس اهتم ^^
كيف الحصص هناك مثال: في المدارس الحكومية 3 حصص كل حصة 50 دقيقة بعدين فسحة 20 دقيقة بعدين اربع حصص و نروح البيت
اول شيء الدوام يبداء الساعة 7:30 وينتهي الساعه 3 الظهر
الحصة 45 دقيقة
اول شيء حصتين 45+45
بريكــ
4حصص
بريكــ
حصتين
وبعدين خلاص تروح البيت
و مشكورين
العفوو واي سؤال نحن حاظرين واسئل الطلاب اللي يدرسون في المعهد لا تسئل الغير لانهم ممكن يعطونك معلومات خطاء
اظني نفس الشي
في معهد العين السنه اللي طافت
اول ثنوي كانو يستلمون :: 750 درهم
وثاني ثنوي :: 1000 درهم
وما كان شي ثلاث ثنوي
بس الحين شي ثالث ثنوي
الحين اول ثنوي يستلمون :: 650 درهم
وثاني ثنوي :: 850 درهم
وثالث ثنوي :: 950 درهم
ان شاء الله ما شي فرق بينه ^_^
::+::+::+::+::+::+::+::+::+::
::+::+::+::+::+::+::+::
انا في فرع بوظبي . . سنه اولى استلم 750 . .
امس فليل وصلتني رمسه انـهم بيزيدون الرواتب لـ 1700 . .
ما ادري صدق ولا جذب . . ^^
و السموحه
وأضن أن الرواتب متساويه
^^
اول سنة : 750
ثاني سنة : 1000
و احينه في ثالث سنة استلم : 950
الراوتب مثل ما هي اخووويه .. ^_^ ..
و السمووحه ..
ونأمل خيرا
انشاء الله يزيدونا ألحين مشاء الله الأسعار ضو
الفلوس ما يسون شي كلهن يطيرن ع أكلك فالمعهد
$$
الحين يالسيين تتضاربوون ع هالفتافييت الي يعطونا اياهن .. الله يعيين عقب
