(( كليه الهندسه + المعهد البتروليــ ))) 2024.

السلام عليكم ورحمه الله وبركاته ..

شحأأآأإلكمـ يا جماعه الخير ؟؟؟ >> إن شآأإأآإأآء الله بخير …

والله أنا بغيت أستفسر منكمــ ،،

الحين شو الأحسن ،،

المعهد البترولي ول كليه الهندسه == عشان اتوظف بأدنوك …

لو سمحتم ،،

بغيت منكم كلـ التفاصيل ،، الخاصه بهم ,,

كم سنهـ ؟ منو الأسهل ،، ويوم بتخرج إن شاء الله ،، كم بستلم ؟؟

وكم يبون الآيلتس ول التوفل …؟؟؟؟

الصرآأإحهـ أنا كرفت واآأإأآإيد بالدراسه ،، أبا أأمن مستقبلي وأجهز لكل شي من الحين ..

وما عليكم من النسبه ،، أنا الحمدلله كل سنه تكون نسبتي حلوه ،، بين ال 95 وال 90 ..

ووإذا فيه مكان أحسن عن هاييلا فيدوني ونصحوني لو سمحتم ..

وحيأآأإأآأإأآأإأكـــمــ،ـ،ـ،ـ،ــ

وعليكم السلام ورحمة الله وبركاته

أنا إبخير ربي يعافيك ويبجيك .. وإن شاء الله كل الأعضاء بصحة وسهالة يارب …

كيــفك إنتــه إن شاء الله طيب ومـرتاح ,,,

المعهد البترولي :

أنا أدرس فالمعهد البترولي ,, طـالب سنه رابعه ,,, نصيحتي لك ,, إنك تستخير رب العالمين ,, لأن الله راح يكتب لك الخير إن شاء في أحد هالأمور المحتار فيها ..

وإذا ما طلعت بنتيجه بعد الإستخارة ,,, إستشير الناس اللي عندهم خلفية عن المعهد وإن شاء الله يشورون عليك بشي يفيدك ..

شــوري أنــا لـك :

– إذا تــبا كراآأف + تشديد فالدراسه + شغل مضمون ==== أوصيك بالمعهد البترولي … ^^

– إذا تبــا رقأآأد + دراسه خفيفه + شغل غير مضمون ===== إدخل كليات هندسة …. ^^

فالمعهد البترولي الله يسلمك ,,, أول شي يوقعونك عقد ,, إقرا كل بنود العقد ,, وبتلقى آخر بند مكتوب فيه بأنهم يقدرون يغيرون أي بند من البنود وبكيفهم وبدون ما يرجعون للطالب ولا لولي أمره … وهذا الشي أثر بشكل سلبي عالطلاب من عقب ما غيروا نظام المعاشات ونظام التوصيل للمنازل ونظام الدراسه ونظام الأكل فالمطعم … بعد ما اتخلص من البنود ,, قرر إذا تبا اتسجل فالمعهد أو نووووو … والراي والشور شورك فالأول والأخير …

نظام المعاشات ,, أول كان للطالب معاش يدفع له بقيمة 20000 درهم كل فصل دراسي وبعدين غيروا النظام لـ 20000 للي ييب معدل فوق 3 و 15000 للي ييب معدل فوق 2.5 وطبعا المعدل يكون من أربعة والحين خلوا النظام لكل مادة تاخذها واتييب فيها a يعطونك 4000 درهم يعني إفرض إنك خذت ست مواد وهي وايد وايد بالنسبة لطالب مجتهد وإفرض إنه ياب فيهن a راح يعطونه 20000 بس قبل كل هذا لازم يكون معدل الفصل أكثر من 3 ومعدل التراكمي أكثر من 3 هههههه يعني صعبه صعبه … ونظام التوصيل صار كل أسبوعين يوصلون الشباب لبيوتهم ولا أول كل أسبوع , ونظام الدراسه قاموا يشددون وايد الحين ولا قبل كانوا يمشون الطالب إذا واحد ياب d معناتها مش راسب يعطووونه c عشان يرفعون معدله ألحين اللي ييب دي ينزلونه إف ههههههه الله يعين بس .. ونظام الأكل بعد سالفة ,, لازم يكون معدلك الفصلي فوق 3 عشان يعطونك كوبونات تدخل فيها المطعم وتعطيهم كوبون واحد في كل مره تسير تتغدى أو تتريق أو تتعشى فيها .. إذا ما يبت فوق 3 إدفع 15 درهم لكل وجبه وهذا طبعا خياري لك مش إجباري ..

خمس سنين وانت بتكرف وبتدرس وعقب بتتخرج وبتحصل شغل مضمون إن شاء الله والراتب فوق 40000 حسب التخصص والله العالم ..

إذا دخلت كلية الدراسه أسهل من المعهد والمدرسين دومهم طيبين ومتفاهمين ويا الطلبه وإن شاء الله تتوفق هناك أكثر من المعهد من رايي أنا شخصيا ..

التوفل يبون فوق 500

همسه :

في غيرك وايد طلبه نسبهم عاليه درسوا سنه وطلعوا , أنا كانت نسبتي 96% علمي درست ثلاث سنين وتوقفت سنه كامله وعقب رديت والحين هاي السنه الرابعه ,, قلت في نفسي كملت ثلاث ما بقا غير سنتين والله كريم إن شاء الله ,,, فتحمل أخوي وشد حيلك إذا حبيت تدخل المعهد والله يوفقك ان شاء الله …