كلكم تعرفون
القرار الي اصدروه بالغاء نتائج امتحان السيبا لمدرسة الفرزدق الي في جزيرة دلما
والسبب ( الغش )
انا طرحت الموضووع على شان افند هذي الادعاءات الي يقودها البرنامج المدعو الشفافية الالكترونيه
قالت الوزاره الرايتينج عند الشباب واحد
وانا اتحدى الوزاره انه الرايتنج عند ال 57 طالب واحد ترى في ناس كتبوا من عندهم
والي طلع عنده متشابه محد يقدر يلومه لانه حافظ .. ؟
والي يقول كيف حافظين نفس الشيئ
برد اقول .. انه الوزاره امتحنتنا الساعه هنتين ونص الظهر .. وامتحنت الباقي الساعه ثمان ونص
يعني الفرق بينه وبينكم قرابة الاربع ساعات ..
يعني لك تتخيل طالب يبي يسال عن التعبير بيتصل في ولد عمه الي ف بوظبي ودبي والخ من اماراتنا ..صح ولا ناا غلطان ..
يعني اتهام الوزاره لنا بالغش اتهام باطل نحن ماغشينا حفظنا منكم يالي تقولون غشينا ..
واللجنه الي يتنا من الوزارهـ.. واللجنه الي علينا مابلغت عن اي شكوى حول محاولة غش او غش او فوضى ….
قهر بعد ماااثبتنا جدارتنا في السيبا يحرمونا من الدرجه
رحت المدرسه ابي استلم الشهادة ماعطوني اياها يقولون تحفظ والخ سويتها بالنت شفت كل درجاتي ماشاء الله فوق الا الانجليزي محطين لي 55 <<< بدون احتساب درجة السيبا ..
حتى الشهادة ماخلونا نشوفهـا….
الكل وصلتله درجة امتحان السيبا الانجليزي والرياضيات
الا نحن قلنا الانجليزي لغيتوه الرياضيات ليش ماترسلون.. اظني نحن عيال البطه السوده
وتدرون شو
ماضاع حق وراه مطالب
ولاحول ولا قوة الا بالله العلي العظيم
هلا والله ومليون غلا تو مانور المنتدى
مشكور اخوي " مادري" ….
بس حبيت اوضح السالفة أكثر ، ع تتضح الفكرة حق الكل…
الصراحة نحن ما وايد نعرف نكتب مواضيع من عندنا ، ويوم يكون عندنا امتحان انجليزي الاستاذ
اييب حقنا مواضيع من الكتاب ، واحنا طبعا نحفظها ونكتبها نفس ما هي ف الامتحان…
و قبل ما نمتحن السيبا كنا خايفين ، ما نعرف شو بنكتب اذا يالنا موضوع وما عرفناه..
فاتفقنا كلنا انه كل واحد يطلع موضوع من النت… طلعنا تقريبا 5 مواضيع حسيناها مهمة
وفيه واحد من الربع الله يسلمه اتصل فينا وقال انه ولد عمه خبره ان الوضوع اللي يالهم كان
عن "وقت الفراغ" >>>> طبعا ولد عمه امتحنوا الصبح قبلنا
واحنا ع أساس امتحانه بيكون الظهر، خبرنا واحد من الربع يكتب النا موضوع عن (وقت الفراغ )
وهو ما شاء الله سار وطلعه من النت >>>>كوبي بيست…
وبعدين كل واحد طرش حق الثاني الموضوع ع يحفظه، ويلسنا نحفظه مع بعض قبل الامتحان..
وطبعا لان الموضوع من النت >>>> ما كنا نعرف انه فيه أخطاء وحفظناه مع أخطاءه..
ويوم يالنا الموضوع ف الامتحان استانسنا وايد لانه من بين المواضيع اللي كنا حافظينها…
شو ذنبنا يعيدون حقنا الامتحان؟؟؟ احنا ما كان قصدنا نغش مساكين ع نياتنا !!!!
اصلا ما كنا نعرف انه ف امتحان السيبا ما يصير نكتب نفس الكلام..>>> احنا بعد ما صدقنا نكون حافظينه جان نكتبه..
حراااااااام عليهم يعيدون حقنا الامتحان 
.png "(3)")
.png "(36)")
.png "(37)")
يا اخوان شكلهم المنظمين للامتحان وصلو للشيخ نهيان بن مبارك آل نهيان كلام خاطئ
عشان يطلعوووون من خطأهم ويبلشووونا نحن
همسه موجهه للمنظمي امتحان السيبا
رب العالمين يقول لجهنم هل امتلأتي
وترد عليه نار جهنم وتقول وهل من مزيد
السنه اليايه ماراح يتكرر الخطا لكن على حسابنا نحن .. لازم مانسكت..
اذا حطينا ايدنا على خدنا وسكتنا خلاص راح نعيد … اما اذا كلمنا الجرايد وحاولنا نوصل كلامنا للشيخ نهيان ف في احتمال كبير مانعيد
بس اذا كنتوا على حق انا اقولها لكم لا تستكون عن حقكم ^^ ..
أنا أبي أعرف اذا في عند واحد أي طريقة انكلم فيها الشيخ عشان انوصله أصواتنا وانشاء اللله خيييييييير
بس والله حرااااااااااااااااااااام نعيد الامتحان
طلب أرجوكم كيف انوصل أصواتنا للشيوخ أي واحد عنده طريقة ما يبخل