اشحالكم ؟
بغيت منكم طلب
ممكن اتساعدووني فيه
انا خريجه من كليه التقنيه
و امتحنت PET شهر 9- June
و لين الحين ما نزلوا نتايجنا
يقولون منزلينها ع موقه جامعه بريطانيه
كامبرج
هذا هو الموقع أظني مب متأكده حصلته ع القوقل
يوم دشيت ما عرفت وين اروح عشان اطلع نتيجتي
ممكن اتساعدووني و تقولون لي وين اقدر اطلع نتيجتي من ها الموقع
و لكم جزيل الشكر
و يزاكم الله خير
السلام عليكم
عزيزتي اللي عرفته أن النتائج موجودة بالــ portal واذا كانت نتيجتج p يعني pass واذا كانت I يعني In complete
واذا عطتج الكلية ورقة بخصوص الدخول لموقع الكلية فهي موضحة تماما كيفية الدخول مع كود معين لأسمكِ
موفقة باذن الله
..
بس يقولون بنزلونه بعد في موقع جامعه كامبرج
ما اعرفتي كيف تحصلين نتايجنا في الموقع هذا
اوكي
ع العمووم الله يعطيج العافيه
تعبتج ويااي
تسلمين
في بنات مطرشين لهن النتائج عن طريق ايميل الكلية
بالتوفيق
في بنات مطرشين لهن النتائج عن طريق ايميل الكلية
بالتوفيق
صج
منو قال
بس انا محد طرش لي شي
اشمعنى يطرشوون حق نص البنات مب كلهم
ياخي يقهروون من متى و نحن نتريا هااي النتايج ما ظهرت لحد الآن
ياخي لعبوا بأعصابنا قي الاجازه ما تهنينا موول فيها
الله يخليج الغاليه
انتي تعرفين متى راح ينزلون النتايج مالنا
انزين ممكن تخبريني
و يزاج الله خير
السلام عليكم
الصراحة دقيت توني الكلية وقالوا بعدها النتائج 
الله يكون بعونكم ان شاء الله
وان شاء الله تكونين من الناجحات باذن الله
..
يوم اندق لهم دوومهم يقولون جي
يقولون اي شي عشان يسكتوونا
بس نتايج الشباب وصلت الكليه اشمعنى نتيجنا ما وصلت شو السبب؟؟
الله يكون بعونكم ان شاء الله
وان شاء الله تكونين من الناجحات باذن الله
آمين
الله يسمع منج اختي
بس طال انتظارنا
المفروض نتايجنا ينزلولنها
وان شاء الله تعرفين نتيجتج باسرع وقت
ولا تشغلين بالج … اتهني باجازتج ..
وسووري لني مااقدر افيدج بشي ^_^
بنت خالي يت عندي يوم الثلاثاء .. وقالت بتشوف النتيجة .. وكانوا مطرشين لها ايميل من الكلية ( دبي )
حتى ربيعاتها نفس الشي …
هذا اللي اعرفه
السلام عليكم
سمعت أن النتائج طلعت 
موفقة أختي وطمنينا عنج
وبالتوفيق للجميع
..