أنا خاطري أسجل في التديب الصيفي اللي هو Summer work
واليوم مسجله في منتداكم لان ماشاء الله عندكم جواب لكل سؤال
وأنا ادرس في التقنية العين حالياً وحابه أسوي شي يشغلني في الصيف
فإذا حد يقدر يساعدني لاني مب عاارفه وين أسجل أو متى يبدأ التسجيل summer work
لان عمري ماسجلت قبل فمب عارفه شي بس اريد في العين
ممكن حد يساعدني…………بليز
وبكون شاكره لكم
أختكم في الله شيــ الفريح ــطوونة
وعليكم السلام ورحمة الله وبركاته …
مرحبا أختي شيطونة الفريج ..
ما جد شاركت في ال Summer work … بس اللي اعرفه انج تقدرين تسألين
student serviceعندكم في التقنية .. اذكر العام كانوا ياييبين لنا أوراق نمليها للي
حاب يشترك واعرف كم وحدة سجلت .. وفعالياتهم كانت في مول الامارات .. لمدة شهر أظن
( هذا بالنسبة لتقنية دبي )
سأليهم عن هالاوراق جان عندهم .. أو متى بيوفرونها لكــم ..
وبالتوفيق حبوبة
الــســلام عليكــم
واذا حبيتِ بعد تاخذين أوراقج لأي مؤسسة أو دائرة تقدمين بطلب تدريب صيفي
أنا مرة قدمت باتصالات وداومت فيها بالصيف
وحاولي تقدمين من الحينة عشان أولوية القبول
وبالتوفيق لكِ
..
و الحينه وديت اوراقي للاتصالات و البلديه (ماادري شيسمونه ) و مستشفى توام
اول مركز اوم اول مكتب بيدقلي بشتغل اهناكي
و احسن لج الشيخه اتسوين جي
و شرات ما قال خويه study 4uae
الحينه سجلي عسب انه يقبلونج
وان شااء الله باجر بقدم والباجي على الله
والله يوفقنا أجمعين ان شاء الله
كل ما اسير مكان يقوولوون ماشي هالسنه
ممكن ادلووني على أماكن فاتحين هالسنه
لاني تعبت من كثر ما اسير ويقوولووون ماشي
درب درب
انا قدمت ف دااائرة الزااااعه اللي فالعين سيري قدمي ع صيفي هذا الي يقبلون لين الحين
والباااقي الدوائر قالو بعد ما يخلصون المدارس الامتحانات بيااخذوووون
واهم شي تقدمين بدري لانهم يااخذون اول ناس تقدم ف الصيفي
واي معلوماتتت حااضره
واذا كنتي من بنات التقنيه شي مركز الشيخ خالد بعد يااخذون جدام كليه الشبااااب
ووانا رمست مس سنااااء وقالتلي اي دائرة يبون صيفي بتطرشلنا ايميلات ع ايميل الكليه
واي استفسااار حاااضرين
عسااج على القوووووة دووووم
واذا عندج اي استفسااااار حاااضرين لج اختي
الله يقوييييج ويعطيج العافيه
وربي يوفقج اختي
الــســلام عليكــم
أختي بعد تقدرين تقدمين أوراقج بادارة التخطيط اللي حذال بلدية العين كنت بتدرب فيها صيفي أيام الجامعة وبعد
جامعة الامارات تطرح صيفي في مركز شؤون الطلبة وبالمكتبة تقدرين تتصلين عليهم وتستفسرين
وموفقة حبوبة
..