أريد رأيكم ومشورتكم ومساعدتي 2024.

بارك الله فيكم أنا ولدي يدخل هذة السنة ان شاء الله الصف الأول الابتدائي وهذا اول ولد عندي طبعا ما تأسس من قبل ودخل مدارس لكن يعرف الاحرف الابجدية ويكتبها ويعرف ارقام سؤالي برأيكم لو اعتمدت على اوراق العمل الموجودة في المنتدى تفيدني وتساعدني أسسه قبل لا تبدأ المدرسة والا شسوي إذا عندكم رأي او مشورة لا تبخلوا على أختكم فيها وجزاكم الله خير

وين بنحصل كتب الصف الأول في أبوظبي واعذروني اثقلت عليكم باسئلتي وجزاكم الله خير

خويتج
سمسمه

و انا شفت ناس دخلو kg2وموفقين

انا اقول لا تضيعين علية سنة بتندمين

هذي نصيحتي

وين بنحصل كتب الصف الأول في أبوظبي واعذروني اثقلت عليكم باسئلتي وجزاكم الله خير

اشكرج الصراحة على اهتمامج فيه اولياء امور بس اللهم دخلنا و الباجي على المعلمات ….

اختي اهم شي الولد تحسي عند مشكله في التعلم و لا لا .. اذا لا يعني امورج طيبة … ممكن اساعدج لاني معلمة تربية خاصة و عادة الطلاب اللي ما يكون عند هم خلفيه في الدراسة يكونو عندنا في صف التربية الخاصة … و طبعا يرجعون لصفهم العادي يعد شهر بس و هم يعرفون كل شي … فلاتحافين و لا تحاتين ولدج بيكون بأيدي امينه و بتفيده اكثر من الصف العادي …هذا اذا دخل صف تربية خاصة …. المهم التدريبات واااايد مهمه و اهم شي تعلمين الولد كيف يمسك القلم ؟؟ اهم شي … و بعدين … انت تقدرين تدربيناه على الحروف و الارقام عن طريق شو؟؟؟؟ قلم الرصاص اولا و من ثم عن طريق التلوين … لانه الاطفال ما يحبون شي اسمه قلم رصاص شوفي تعطينه حرف الالف و تقولي له ارسم على النقاط بالرصاص و طبعا لازم تطبقينه انتي بالاول جدامه و هو بسوي اللي انتي تسوينه … و طبعا انتي بعد تتسلين وياه و نفس الطريقه مع الحروف الباجيه و الارقام …. في طريقة بعد اذا كنت تبين تغيرين عن طريق الصلصال اليهال يحبونه و له فايدة انه ينمي انامل الولد و يخليه يكتب بسرعة ..هذا اذا تبين تغيرين له و الاحسن انج تغيرين و لا بتملي

لو جريبكم مكتبة دبي الاسلامي او جرير او اي من الكتبات هذي المعروفة … فيها اشياء لا تعد و لاتحصى … من الكتب و البوردات الخشبية التعليمية و ايضا الكتب التعليمية … لتعليم الطفل على الكتابة و القراءة

نصيحة من اخت لا تهملي ولدج .. لانه بيتعب بعدين في المدرسة .. وعوديه من الحين على جو المدرسة … تحكي له حكايات عن المدرسة و شو اللي يصير بالمرة عسب الولد اول ميدخل المدرسة يكون مستانس … مب زعلان …..

السموحة وااايد طولت عليج

أختي انا علمته الاحرف ويعرف يكتبها في الدفتر ووصلت معه لحرف الصاد وماشي تمام معي وهو ذكي ما شاء الله ويحب الدراسة لكني كنت خايفة من مشكلة انه ما تأهل المرحلتين قبل الصف الاول لهذا السبب قلت يمكن يجد صعوبة

واذا ما اثقل عليكي اختي هالحين الرياضيات لازم يحفظ لاي رقم حتى لا يجد صعوبة في الحفظ أريد أدربه من هالحين

ومن ناحية المعلمات صراحة الله يعينكم تلحق على كل طالب تمسكه فلازم اتابعها واساعدها والهدف انه ابني يستفيد اولا لو تركت الحمل كله عليها وانا جالسة اطالعه بس وفي الاخر اقول المعلمة مو بزينة فحرام علي ويد واحدة لا تصفق ومن هذا الناحية مقهورة على ابني واريده يتعلم حتى يكون في نفس مستوى الطلاب ويطلع مجتهد واعذريني طولت الكلام واثقلت عليكِ وربي يبارك فيك

ومن ناحية المعلمات صراحة الله يعينكم تلحق على كل طالب تمسكه فلازم اتابعها واساعدها والهدف انه ابني يستفيد اولا لو تركت الحمل كله عليها وانا جالسة اطالعه بس وفي الاخر اقول المعلمة مو بزينة فحرام علي ويد واحدة لا تصفق ومن هذا الناحية مقهورة على ابني واريده يتعلم حتى يكون في نفس مستوى الطلاب ويطلع مجتهد واعذريني طولت الكلام واثقلت عليكِ وربي يبارك فيك

ما عليه كلنا خوات هني … علميه الارقام لين ال 20 و كملي معه لانع في المدرسة يعلمن لين الخمسين في النص الاول و النصف الثاني الدراسي يكملون فاالاحسن انه يعرفهم من البداية عسب ما يتصعبهم في الدراسة