يا ناس ابا حد يفهمني
منهج الدين حق ثالث ثانوي محد من المدارس خلصه
الي خلص نصفه والي ثلاث ارباعه
ما وصل شيء علشان التأجيل منه
وللحين محد خلص المنهج وكل واحد مخلص على قده
خبروني كيف بنمتحن بشيء ما خلصناه
والدوام تراه خلص
ماباقي الا اسبوع واحد بعد العيد اشك انه حد ايي فيه للمدرسة
يا جماعة كيف نمتحن بمنهج خلصنا نصفه
كييييييييييييييف نفسي اعرف
حرام يا موجهين شو هذا الي تسوونه فينا
هذا مو بس حالنا هذا حال كل المدارس الثانية
ما في مدرسة خلصت المنهج
شو هالحالة !!!!
ما ندري
الله يسلمج احنا خلصنا المنهج هالأسبوع
والقصور من أبلتكم مب من التربية والموجهين ، والتربية ملزمة كل الأبلوات يخلصون المناهج وما شي ترحييل
فكيف أبلتنا خلصت وانتوا بعدكم والله المستعان
والله يعينكم وان شاء الله تخلصون قبل الامتحانات
و مثل ما تفضلت بنت العلمي 1 القصور من المدرسين و المدرسات
ربي يعينكم …و يعين الجميع 
وتوزع في المدارس بشكل متأخر
باقيلنا 5 دروس
معناها العيب في المنهج مب في المُدرسة
وهذا ينطبق على المدرسين بعد
الي خلص المنهج وانتهى اشك انه اعطى الدروس حقها
يمكن نقلهم الاجوبة وبس
وهذا مو دراسة , هذا خربطة وشغل سلطة
يعني لو على سالفة التخليص نقدر نخلص المنهج باسبوع واحد لكن ما بنفهم كلمة وحدة !!
نحن ندرس يا جماعة , اسمها وزارة التربية والتعليم
مب وزارة الخربطة والتلقين !!
بعدين الله يسلمج لا تحطين اللوم على الأبلوات انا عن نفسي فاهمة المنهج وخلصناه من أسبوع و إذا في السالفة تلقين وحل أسئلة فانتي غلطانة
ولو كان القصور مع الأبلة فانتوا وياها لأنكم ما ساعدتوها انها تخلص المنهج وياكم، يعني القصور منكم الإثنين.
ولو مهتمين بالمادة جان سويتوا سابع المستحيلات عسب تخلصون. يعني اخذوا حصص من أبلوات مخلصين واحنا في مدرستنا مسوين حصص إضافية للأبلوات اللي مب مخلصين المناهج وي البنات
هذا خربطة وشغل سلطة " شو هالكلام "
فمرة ثانية الغلا لا تكتيين شي انتي في غنى عنه. يعني مب لازم تقولين أشياء ما تطابق الواقع ما أتوقع انه في ابلة دين ثانوية عامة تحل تقويم بدون شرح ولا تلقن دون فهم
وانا ما كنت برد بس تضايجت من كلامج اللي هو غلط في غلط
واسمحيلي طولت بس الكلامج قهرني
و السموحة