حسبي الله ونعم الوكيل
حسبي الله ونعم الوكيل
حسبي الله ونعم الوكيل
لاتلوموني على العنوان..
واللي بيقرا معاناتي بيفهمني وبيحس فيني..
خصوصًا لو كان طالب..
نحن بـ مدرسة المعلا الثانوية للبنات أم القيوين
عانينا الظلم بـ كل معانيه..
يعني لأن الامتحانات تقدم موعدها..وصار 112
ونحن مب مخلصين المنهج
بيخلون الدوام عندنا لـ الساعه 4 ونص..!!
يعني بيزودونه ساعة كاملة تقريبًا علينا..
ونحن اصلا مب قادرين نتحمل الدوام للساعة 3 وربع..
ولا قادرين نستوعب بالحصص الأخيرة..
يعني الحين بنرد بيوتنا الساعه 5..!!!
كيف بنستوعب..؟
نحن بششششششششر ياناس..عندنا مقدار طاقة تحمل..
كم مرة تعلمنا بـ مدارسنا ان نتيجة الضغط الزايد يولد انفجار..
وهذا نحن ننفـــــــــجر ونتدمر..
المدرسات يشرحولنا من اول السنة على السريع عشان نخلص المنهج..
والمعلومات تتراكم علينا
ولا قادرين نفهم منهم اصلا ولا نستوعب..
وفوق هذا الحين الابلوات بيزيدون الضغط أكثر ويكثفون الدروس..
وبالحصة الوحدة بناخذ أكثر من درس..
وييين عايشين..؟ يبونا نرسب مثلا..؟
اذا هذا مطلبهم فـ إن شاء الله بيحصلونه مع كل هالضغوطات والقرارات..
الساعة 5 نرجع البيت..؟
بغض النظر عن اننا مابنشوف اهالينا ولا بننام وناكل مثل الناس..
لان من الواضح هالامور مو بـ حسبة الوزارة ولا هي مهتمة بها..
متى بنذاكر ومتى بنراجع ومتى بنحضر ومتى بندرس للامتحاانااات ومتى بنرتاااح..
لا والمصيبة العظمى انهم بيخلونا نداوم السبت هذآ واللي بعدهـ..!!
وبنقضي إجازة العيد مذاكرة للامتحانات..وإعداد تقارير ومشاريع
لأنها مطلوبة منا بعد العيد على طول..
مابقالنا شي اصلا يتسمى عيد..
حسبي الله ونعم الوكيل على كل من كان السبب وخلانا فئران تجارب لهالقرارات..
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
والله حاس في معاناتج والله يعيننا كلنا بس الصراحه انتو الدوام عندكم مش طبيعي احنا في العين نخلص 2ونص لان الاداره سوت شغل عدل في التسع حصص
وكلامج ميه الميه الي مسوي القرار ان الامتحانات تكون تاريخ12/1هاذا ماعنده ضمير واحنا الصراحه الكيمياء واصلين نص المنهج بس، يعني الله يعين كل هذا عسبت كاس الخليج لانها بتكون في 15/12 يالله
الشكوى شو نسوي بعد
والله يوفقج ويوفق الجميع