طبعا الفرصة ( أوالفسحة) ويختلف وقتها من 15-20 دقيق تقريبا
صحيح انها تفصل في نصف الدوام بين الحصص الأولى والحصص الأخيرة وتنشيط للطالب والمدرس ( وللطالب أكثر )
يعني هجوم الطالب للمقصف أو الكانتين وتناوله للطعام يأخذ 10 دقئق على أقصى تقدير فتجد الطلاب في ركض أو لعب أو عنف
فهل من أنشطة ممكن وضعها في هذا الفترة ( طبعا في الفصل الأول تصعب قليلا لكن أتوقع في الفصل الثاني أسهل فمن الأمور المعروفه من زمان الفسحة للإجتماعات ( جماعات النشاط ) أو عمل منافسات في الساحة
وبعض المدرسين – للأسف الشديد يملأ السبورة بالكتابة على أساس ان الطلاب يبدأون كتابتهم بمجرد قرع الجرس
فبين هذا وذاك أين نحن وضياع أخلاق بعض الطلاب ما يكون الا في الفسحة وعلى العكس البعض يستفيد من بعض المدرسين أو بعض أصدقائة ( الذهاب لأداء صلاة الضحى )
فأعطونا آراءكم السديدة عسى أن نستفيد جميعا ان شاء الله
وشكرا لكم وجزاكم الله خيرا
اختي نحن فالمعهد بين كل حصه وحصه فسحه
ثلاث بريكات
كل برك نص ساعه
الأولى ريوق
والثانيه المكتبه
والثالثه انصلي الظهر وغدى
لكن بنسبه حقكم
اتروومون اسون أشياء كثيره
مراجعة الإمتحان
تحضير الدرس
صلاة الضحى و قراءة القرآن
الذهاب للمكتبه
الذهاب لمدرس الماده الفلاانيه ليشرح لنا الموضوع الفلاني
وأكيد في انشطه فالفرصه
أذكر العام
كانوا يدرسونا عن أحكام التجويد
والنجااااره والكهربه
والتقويه
ها كان فالدهمااااء
هذا إلي عندي
وانشاء الله أفدج
تقبلي مروري
^^
لكن نحن نحس أنه 15 دقيقة
الوقت وايد قصير يعني ما نلحق نسوي شيء
حتى اذا سرنا نشتري يدق الجرس و بعدنا ما شترينا
و اذا اشترينا ما نلحق ناكل .. يعني ما ننزل علشان نشتري
انسولف و نلعب احسن إلنا في هالـ 10 دقائق
و عندنا بريك ثاني حق الصلاة بعد 10 دقائق عقب الحصة السادسة
يعني نسير انصلي و عقب انشل شنطنا اذا بنسير مصادر أو نادي
بعد ما انلحق انسوي شيء
أخوي مشكور على الإقراحات الجميلة
والمثرية للموضوع
أكرر شكري
علوم :
الصراحة يمكن أريح ناس بالبريكات المنتظمة المدارس
اما غير المنتظمة يمكن جامعة الإمارات والتقنية
والله المستعان
وننتظر افكاركم
لازم يريحون أكثر
كلاس و را كلاس
ما بنقدر أنركز
كلاس فهمنا
والثاني يعني
و بين كل كلاس بريك خمس دقائق علشان نرتاح
لكن الابلة بسرعة تي ما تخلينا نرتاح
و اذا اتخرنا و بعده البريك ما خلص سولنا سالفة
سين و جيم .. و يقولون ردوا من وين يايين
بس الحمد لله أنا ما أتخر
بس انا كان قصدي انه الطلاب والطالبات احيانا يرتبون جداولهم على البريكات الطويلة ساعة وساعتين وأكثر ( على حسب
وفي منهم ورا بعض
وفي منهم ما يقدرون
و مسموحة اختي
( أخوكم الفجر الصادق )
والله يعتمد على المرحلة العمرية التي ينتمي لها الطلاب وعددهم
يعني صعب تيي لواحد ياهل واتأكله غصب سندويتشات بس
لازم ينوع شوي ( ككاو – بسكوت – بفك – عصير
وفي مراحل عمرية لازم تاكل بين فترة وأخرى
ونبا واحد تربوي نفسي يعطينا الخبر اليقين بالنسب للمراحل السنية وكمية الأكل ( تقريبا التي يتناولونها )
وشكرا للجميع
وننتظر ردود وآراء أخرى
أخوكم — الفجر الصادق
صارت لشرح التقارير وامتحانات الشفوي و .. الخ
ونفس ماقالت علوم حتى لو بنروح نشتري ماشي وقت
يعني المدرسة تطلع نص الفصحة ويوم نقول لها نبغي نطلع تقول ماتبون تخلصون المنهج ؟!!
واذا اتاخرنا عن الحصة بيسوون لنا سالفه ويمكن مايدخلونا الحصة او يوقفونا طول الحصة
وبين الحصص نفس الشي من تطلع االابلة تدخل الثانية على طول
الله يعين ………
حرام
عيل الخمس دقايق شو تسوون فيها
في لها حل ان المدرس يطرش الطلاب قبل الفسحة ( بالإتفاق مع الإدارة ) على اساس انه بيأخر الطلاب داخل الصف
وهاي المشكلة لازم تعالج