هل بيقبلوني ولا ؟ ؟ ؟ 2024.

اخواني عندي سؤال مهم ومحيرني

انا ان شاء الله ناوي ادرس الطب ( محد يقولي صعب )

يمكن نسبتي نازلة شوي لكن والله والله خاطري فالطب ما اقدر اشوف مستقبلي فيه

احب الطب واااايد وافهم في هاي الامور ( الطبية ) وهالسنة شاد حيلي في الاحياء والكيمياء والفيزياء

لكن

خايف ما يقبلوني

لان نسبتي 90 % السنة الي طافت ويمكن هالسنة احاول اييب 93 % – 90 % ( لاني اكره الدراسة )

هل بيقبلوني في جامعة الامارات ؟.؟؟

واذا نسبتي نزلت تحت التسعين بيقبلون ولا ما يستوي ؟؟؟ يعني 85 % ما يقبلون مثلا ؟؟

( جامعة الامارات شو التخصصات الي فيها ؟ ) وشو احسن ادرس فيها ولا في الخارج ؟؟

الله يوفجك اخويه .. طبعا مافي شي في الدنيا صعب بس الانسان اذا يحب الشي بيسويه صدقني ولا تسمع كلام اللي يقولك صعب .. بقولك عن تجربتي الكل كان يقولي الطب صعب وصعب وماسمعت كلام حد ودخلت الطب . وانا الحينه ادرس ومااحس ان اذا ذاكرت بيكون لهالدرجة صعب صح اني اعيد مادة وحده من السنه اللي طافت بس الحمد لله الحينه اذاكر واييب درجات زينه .

نسبتك ماشالله وايد حلوة واتاهلك لدخول الطب .. جامعة الامارات قدم فيها ويمكن يقبلونك انا الصراحة ماقبلوني مع ان نسبتي كانت فوق ال 93 % بس الحمدالله انقبلت في جامعة الشارجة . انته قدم في الامارات واول مابتتخرج قدم بعد في جامعة الشارجة . في الشارجة اذا نسبتك 85 وفوق اعتبر عمرك مقبول وحتى لو 80 تقدر تدرس طب اسنان .

يالله شد حيلك الحينة في الدراسة عشان اتيب نسبة حلوة

الله يوفق الجميع

بس اخبرك جامعة الشارقة اي وحدة الامريكية ولا الثانية ؟؟

وانا مثل ما قلتلك احب الطب شو احبه قول اعشقه اتابع كل شي يخص الطب لكن خايف نسبتي تأثر وما يقبلوني لكن بعد كلامك الصراحة
ارتحت واااايد والحين ببمتحن وانا مرتاااح ما علي اي ضغوطات وان شاء الله النسبة فوق 90 يا رب قولوا آمين

طبعا القبول حقكم انتو الشباب ايكون مظمون اكثر منا نحن البنات لان ماشي وايد اولاد وخاصة مواطنين يدخلون طب ..

الله يوفجك في الامتحانات

^^ بس اعتقد تقدر تشد حيلك ، لان من شكلك تحب الطب واايد وتقدر تسوي اي شي عشانه ^^

لا تخاف تقدر ترفع النسبة

انا احب الطب وااااااااااااااايد وقدرت ارفع نسبتيه من 93 فالحادي عشر الى 96.5 فالتقويم ثاني عشر

بس الامتحانات دمرتنا ×ــ× الله يعين