كارثـــــة .. مصيبة .. ظلم .. قهر .. صدمة
كلها كلمات ممكن تعبر عن اللي شفناه وسمعناه عن نتايج الثانوية العامة
معقوولة يعني اللي قاعد يصير ونحن نشوفه من ظلم وشي غير خارج المألوف وما لا يصدقه العقل وانتم ساكتين
كل اللي سألتهم عن نتيجتهم .. مب راضيين عن النتيجة ويعتبرون انها أقل من اللي يستاهلونه و اللي توقعوه من عقب الامتحانات
قالوا ان المناهج تغيرت و بيدرسون بأسلوب يديد .. قلنا ما عليه .. هم الأخبر في هالمجال
بس اللي شفناه في النتايج وأسلوب الامتحانات .. يبين لنا انهم ما يبون حد ينجح ولا يبون حد ياخذ شهادة الثانوية
انزين شو ذنب هالطلبة اللي يدرسون ليل ونهار .. وآخر شي ينصدمون بنتيجة تحبطهم وتخليهم يكرهون سيرة الدراسة وينسحبون شوي شوي من مقاعد الدراسة ؟؟!!
وين كلام اللي يقولون دايما نحن نبا نبني جيل مثقف وواعي ؟؟
كيف بيوصلون للثقافة وهم المدرسة مب قادرين عليها
لا هم مب قاصرين ذكاء واللي عندهم عند غيرهم .. بس الحظ حليلهم ما حالفهم وخلاهم يدرسون في الفترة اللي تغير فيها زمن الدراسة اللي عرفناه
بالنسبة لي .. انا درست في فترة كانت فيها الامتحانات سهلة والحمدلله .. والمدرس يحس بالطالب ويتعاون وياه
والله أحمد ربي مليووون مرة اني نجيت من اللي صاير الحين
وما كنت ضحية تعسف دراسي !!
وفي شي نسيته .. وبصراحة شي غير مقبوووول أبدا
كيف يساوون طلبة الصباحي مع المسائي مع المنازل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والدرجات من 60؟؟؟ 
طلبة الصباحي ايون المدرسة متفيجين نشيطين ما وراهم اهتمامات ولا ارتباطات كثر المسائي
اللي عنده دوام .. واللي عنده عايلة هو المسؤول عنها .. واللي واللي
هاي المواضيع المفروض ما ينسكت عنها .. وصدقوني لو كل طالب رضا بنتيجته وهو حاس انه مظلووم .. المصيبة راح تبين في نهاية الفصل الثاني
وللأسف .. بيقوووول ليتني قلت قبل
بس خلاص وقتها بتكون راحت عليه .. وعد نفسك للسنة اليديدة اللي ما بتكون أرحم من السنة اللي قبلها
يا ليت أصوات الطلبة تعلى .. وتوصل للمسؤولين
عل وعسى ينظرون في الموضوع .. ويحسون بهالمعاناة
:
:
اسمحولي ع الاطالة
يا ليت اللي يقراها .. يرسلها للي عنده
منقوووووووووووووووووول من الايميل
لان ان عل هل معدل حياتي كله بتضيع
بس يالله الله ما يضيع حق عبده .. و الله على الظالم كبير .. ):
و الله يوفقنا ان شاء الله
و على الاقل ييسرون علينا في الفصل الثاني
و دعواتكم هي اللي ان شاء الله بتفرج عنا هذه البلوة
و الله يوفقنا ان شاء الله
و على الاقل ييسرون علينا في الفصل الثاني
و دعواتكم هي اللي ان شاء الله بتفرج عنا هذه البلوة
والله اتحداكم ماراح يغيرون رايهم
والامتحانات في الفصل الثاني راح تكون نفس الشي
والله وايد انظلمنا درسنا عدل وتعبنا وسهرنا الليالي واخر شي نسب نازلة ورسوب كبير
بس شونقول الله كريم
بس راح نشوف شونهايتهم ولشو راح يوصلون
