انا عندي مشكله واتمنى اني الاقي الحل عندكم
مشكلتي في التجويد
انا مااعرف اجود ومهما حاولت انتبه
والمصيبه اني اعرف الاحكام (في شويه خربطه)
بس يوم اقرا مااعطي ولا حكم 
وهاي السنه الطالب مطالب بالتجويد
وصدقوني اني حاولت اطور بنفسي
بس ماشي فايده
فأرجوكم لاتبخلون علي بالنصايح 
ماحد يبا يساعدني
وانا كنت متوقه انكم بتساعدوني
اوكي ماعليه
اناا مثلاً أأعرف آآقراء بس ما اعرف اقوول هذا الحكم ادغام ولا شئ ^_^
اعتقد القراءه سببهاا الممارسهـ ..
يعني خلي حد من الي يعرف التجويد يقرئ .. وشوفي الكتاب بتشوفين الحركه الي فلانيه وكيف مدهاا وجي
اماا عن الاحكام على الله بس .. ما كاانوا يشرحونها طول حياتي
واحينه مطالبين بها الله يعين بس
وما عندي اضافات ^_^
بعد انتهـائك من دراسـتك أو بين درس وآخـر أثناء المذاكـرة افتحـي المصحف على سور التلاوة <<< السور اللي ناخذ فيها تلاوة مثل سورة آل عمـران …
وابتدي تقريـن فيهم كل يوم شوي شوي .. وادرسي كل اية والأحكـام اللي فيها واذا ما عرفـتي حكم اسـألي المعلـمة أو من تعرف الأحكام من أصدقائك .. وبهذا تتقنين الأحكـام 
.
والطريقة الأخرى وانا أسويها كل ليلـة وأجد فيها رااحة نفسية كبيرة وهي قبل النوم افتح المسجل او جهـاز الأم بي على سورة معينة واختاروا أحب سورة عندكم واسمعوا سعد الغامدي يرتلهــا … صدقوني ثاني يوم بتنشــون حافظين السورة 
… ومتذكـرين كل حكـم وطريقة قراءتـه السليمـة ..
أنا في الجامعة دارسة مساق اسمه تلاوة وتجويد كنت ما أحبه لأني أحسه صعب بس مع الممارسة وايد حبيته
شوفي أول شي ادرسي الأشياء الأساسية يعني شو الحروف إلي تأتي بعد النون الساكنة أوالتنوين ونقدر نجودها
عرفي أن الحروف إلي ما نقدر نجوها هي حروف الاظهار وبس وهم ( ء، ه، ع، غ، ح، خ ) وباقي الحروف نجودها يعني
هالحروف لازم تظهرينها .. وأكثري من الاستماع إلي الأشرطة وخاصة القرآن المعلم واايد بيفيدج
إذا تبيني أعطيج دروس مبسطة وسهله خبريني عشان نبدأ وإن شاء الله بتكونين مجودة وتالية رائعة لكتاب الله
موفقة أختي
اخوي طالب عقدوه
واخوي فهد بن تركي
واختي مراايم
وماتقصرون وان شالله في ميزان حسناتكم
وهالجميل مابنساه لكم
إذا عندج أي سؤال تفضلي وإحنا في الخدمة