ليش تسجل في المنتديات؟
ألمجرد إنك تشوف أحد المواضيع وتطلع ولا تدخله مرة ثانية؟
أو إنك تبي صاحب المنتدى يزعل..؟؟
أكيد تسأل كيف يزعل..
تروح تدخل ويشوف صاحب المنتدى زوار كثير.. فيفرح.. وبعدين كلهم يطلعون ويزعل
وبعضدين يشوف له عضو جديد فيفرح
.. وبمجرد ما يسجل يطلع من الصفحة ولا تشوف وجهه مرة ثانية..!!
وبعض المنتديات الأعضاء فوق الـ 700 عضو
وأذكر إني شفت منتدى أعضائه فوق الـ 10 آلاف عضو.. والمتواجدين الآن من 3 إلى 10 فقط.. وكلهم زوار..!! ولو كان فيهم عضو أو اثنين زين
والمتواجدين خلال يوم كامل (24 ساعة) ما يزيدون عن 15 عضو فقط
انزين وين راحوا الـ 700 أو الـ 10 آلاف عضو؟!
كلهم يجون يسجلون ويطلعون..
أوكي ويش استفاد صاحب المنتدى غير إنه يقول خسارة على الأعضاء
لو عندي 50 عضو ويتواجدون في اليوم 40 واحد على الأقل ويشاركون.. أحسن من 10 آلاف عضو ولا واحد منهم يدخل
والسؤال اللي يطرح نفسه.. ليش تسجيل في المنتديات؟ وويش العوامل اللي تخليك ما تسجل في هذا المنتدى وتسجل في ذاك المنتدى..؟
والأهم..!
ليش تسجل في بعض المنتديات وتطلع ولا تدخل مرة ثانية؟؟
>> أنا من ناحيتي أسجل لو كان المنتدى سريع.. وفيه شيئ أستفيد منه.. والعوامل اللي تخليني ما أسجل في بعض المنتديات هو إن التصفح بطيئ جدا <<
وأذكر إني سمعت واحد يقول : “” أنا أسجل في بعض المنتديات علشان إذا اشتهرت في المستقبل وصارت مثل ترايدنت وأغلقوا التسجيل عندي عضوية في البداية.. ولو ما عجبني المنتدى ((نوعه)) أبيع العضوية وأربح “”
أنتظر إجاباتكم ونتناقش حول الموضوع..
وأتمنى إنكم ما تقرونه وتطلعون
رأي الشخصي
احيانا اشارك في منتديات صغيرة عشان افرح اصحاب المواقع بعضو جديد
و عجبني هذا الجواب :
امكن من الاسباب اللي تخليني ما اشارك في المنتديات هي تكرارها
تقول المنتديات صارت
Copy
&
Paste
مافي منتديات متميز صراحة
كل المنتديات الصغيرة تنسخ من الكبيرة + شوية بهارات في بعض الاحيان
دام كدا ليه اتعب نفسي انا اذا بنتظر احد يجيب لي مواضيع واخبار تعجبني
اروح المنتديات الكبيرة واشوفها بنفسي
وفي سبب اكيد يخليني اشارك او لا
حسب الإدارة للمنتدى
يعني منتدى اعضاءه مبدعين وادارة سيئة ما اتوقع الاستمرار له
لكن ادارة مع اعضاء اتوقع نجاح كبير
اسجل فالمنتدى لو حد عزمني
او حسيت اني بستفيد منه
اذا عيبتني اقسامه وحسيت ان اعضائه اوكي
بستمر وياهم
بس اذا ماعيبني الوضع اشوف شو ابا منه واودره
الستايل يأثر يعني الستايلات الكشخه تجذب الاعضاء
انا مااحب المنتديات الكبيره والي فيها وايد اعضاء
احس اني بضيع فالزحمه ^_^
بس لما تكون منتديات صغيره تكون كشخه ويقدر الواحد يثبت ذاته فيها
وبس
ومشكور ع الموضوع ..