فضفضة ^^ 2024.

السلام عليكم

حبيبتي أهم وأحلى ما في العلم أنج تكونيني تحبين المجال إلي داشه فيه

لأنج في هالحالة بتقدرين تبدعين وتتميزين فيه ..

والرسم ممكن أنت ألحين تشوفينه شي كبير بالنسبة لج بس بعدين في احتمال

كبير تشوفينه مجرد هواية تتسلين فيها ..

وتخصصات المجال العلمي مب محصورة في الطب بس في مجالات وايـــد غيرها

} الهندسة .. الصيدلة .. الكيمياء .. الفيزياء .. الرياضيات .. إلخ ….. {

في العلمي بتكونين جميع الأبواب مفتوحة بالنسبة لج حتى المجالات الأدبية

ممكن تدشينهــا ..

والمجال الأدبي بعـــد مجال جميل .. تتعميقين فيه في بحور الماضي ..

وتتجولين فيه في تضاريس ومناخ الأرض ..

لا تضيعين نفسج في مجال أنت ما تحبينه .. نمي فكرج وطوريه خلي يوصل

فيج لآفاق بعيدة .. وإنجازات عظيمة

استخيري ربج .. واختاري المجال إلي أنت ترتاحين له .. وخلي عنج كلام الناس

أهم شي مصلحتج

سليتينا بفضفضتج ويانا .. وبالعكس حبيبتي موضوعج وآيـــد مهم لأنه بيحدد مستقبلج

وإن شاء الله نكون فدناج ولو بجزء بسيط

وأي استفســـار ثاني نحن في الخدمة

بالتوفيــــــق