اتمنى من الله ان الجميع يكون بصحه وسلامه واحسن حال
في الحقيقة كان عندي استفسار صغيرون
انا حاليا ثانويه عامه وحابه امتحن امتحان الآيلتس في البريتش كاونسل , بس قالولي انه في كلية التقنية , تقريبا كلية التقنية
اللي فدبي , قالولي انها وايد اتساعد في امتحان الآيلتس , بس صراحه انا استغربت من الموضوع , ترى الامتحان ايي من
برع من جامعه كامبردج عقب يتصح هناك مو هني , يعني لو لو بيساعدونا , بيساعدونا في السبيكينج , وهالشي انا بعد مو
متأكدة منه
عشان كذا بغيت استفسر منك عن هالجامعه , اذا صج هالكلام ولا لأ , واذا صج يساعدونا في السبيكينج يعني يمكن اللي
يمتحن من هل البدل وما يشدد مثل البريطانيين والهنود اللي يمتحنون في البريتش كاونسل ولا كل مكان الامتحان واحد؟
ياريت تردون علي باسرع وقت لو مابثقل عليكم
في انتظار ردودكم
في وداعة الرحمن
السلام عليكم
امتحان الايلتس واحـــــد ولا يوجد مساعدة من أي طرف وامتحان السبيكنج يسجل أيضا بحالة وجود
تفاوت ما بين الدرجات ليتم الاطلاع عليه لاحقا
وبالتوفيق لك
..
طب اللي يمتحنوج هناك , اجانب ولاعرب؟
وادعيلي انجح بالامتحان
في امان الله
المشاركة الأصلية كتبت بواسطة طالبة علم 2024 
طب اللي يمتحنوج هناك , اجانب ولاعرب؟
وادعيلي انجح بالامتحان
في امان الله
السلام عليكم
أجانب أختي الكريمة
وبالتوفيق لك
..
بس ماتوقع ! لأن الأيلز اغلب اسئلتة مثل الريدنق و اللسننق تكون ضع دائرة فأي مساعده في هاي؟
لو بيساعدون ( يمكن ) في الرايتنق بس او السبيقنق و السبيقنق صعب الواحد يرسب فيه
حاولي تمتحنين ^^ و شدي حيلج لأن الإمتحان مب سهل و يباله استعداد .. مطلوب في التقنية 5.5 من 9 النجاح =)
و تراها مب ضرورية !!! تقدرين تاخذينها اي وقت بعدين بس المهم تاخذينها خلال 4 سنوات .. طول فترة دراستج في التقنية
لو خذتيها اول السنة بتشلين وااايد مواد ..