بلز مو فاهمة شىء هذا شرحي و إنشاء الله تفهمين المادة
صــ10
أول شي لازم اتكونين حافظة الجدول اللي ورى
(المركبات الأيونية الثنائي)
إذا عطاج مثلا عنصري OوAL
وانت طبعا حافظة ان الO شحنته ــ2 وال AL شحنته +3
أول شي حطي العنصر الموجب صوب ايدج اليسار واكتبي عليه شحنته والعنصر السالب صوب اليمين
واكتبي عليه شحنته
يعني بيكون الالمنيوم في اليمين لان شحنته +3والاكسجين في اليسار لان شحنته ــ2
بعدين حطي شحنه الاكسجين تحت الالمنيوم وشحنة الالمنيوم تحت الاكسجين (تبادل الشحنات)
لكن يوم بتبدلين اكتبي الشحنات تحت العناصر بدون سالب أو موجب
وآخر شي اكتبي الصيغة النهائية اللي اطلعت معاج وسمي المركب وبيكون اكسيد الالمنيوم
(ملاحظة)
# اذا عطاج مثلا عنصرين لهما نفس الشحنة مثل +2وــ2 في هاي الساعة بتقسمين الـ2 على الـ2 وبيظل معاج المركب بدون أي شحنات
# واذا عطاج رقمين يقبلون القسمة على بعض مثل +2 وــ4 بتاخذين العامل المشترك بينهم وهو الـ2 واتقسمينه عليهم لكن هذا كله بعد ما اتبدلين الشحنات وتكتبينها تحت.
لو سمحتي حلي المسألة الموجودة في صــ11 وحطيلي الحل على أساس أشوفج فهمتي والا لا.
صــ12
(نظام ستوك)
هذا واااااايد سهل اذا شفتي العنصر الموجب شحنته 2 حطي خطين واذا شحنته +3 حطي ثلاث خطوط وجذي بس
تعالي نحل المسألة صــ11
يبى الصيغة واسم المركب لــ Cr +3 والــF ــ1
أول شي نحط اللي شحنته موجبة صوب اليسار (Cr) واللي شحنته سالبة صوب اليمين (F)
ثاني شي بنبدل الشحنات و بنكتبها تحت العناصر بدون السالب والموجب
الكروم بياخذ 1 والفلور بياخذ 3
ومثل ما لاحظت في بداية السؤال الكروم شحنته كانت +3 اذا حسب نظام ستوك بنحط ثلاث خطوط لان العنصر الموجب شحنته 3
صــ14
(المركبات التي تحتوي على آيونات متعددة الذرات)
CLO هذا المركب اسمه هيبو كلوريت لان العدد اللي في الاسفل 1 لكن اذا كان العدد اللي في الاسفل 2 هاييج الساعة بنقول ان اسمه كلوريت بس
لكن اذا كان العدد اللي في الاسفل 3 بنسميه كلورات بس واذا كان العدد اللي في الاسفل 4 بنضيف له المقطع بير وبنسميه بير كلورات
(الجدول حفظ)
تعالي نحل المسألة صــ15
يبى صيغة كبريتات الفناديوم وهذا الرمز يدل على ان شحنته =+4
أول شي الكبريتات صيغتها عندج في الجدول طبعا انت الحين تسألين نفسج ليش العدد اللي أسفل الكبريتات 4 مع اني قلت اذا شفتو 4 قولو (بير) لان حسب المركبات عندج مثلا مركب الكبريتات ومركب الكبريتيت اللي هم تحت بعض في الجدول ماعندهم غير الرقمين 3و4 لكن الكلور عنده 1و2و3و4 .
الكبريتات شحنتها ــ2 والفناديوم شحنته +4 بنبدل الشحنات بيصير الفناديوم 2 والكبريتات4 لكن قبل لا اتحطين الــ4 عند الكبريتات حطي قوسين وخلي الــ4 برع فبيكون عندج 4 برع و4 داخل الــ4 اللي داخل ما يخصج فيها لانج لو سويتي فيها شي رح اتغيرين من صيغة المركب
الحين عندج عامل مشترك 2 في الفناديوم و4 عند الكبريتات الحين رح اتقسمينهم على 2 فبيكون عند الفناديوم 1 وعند الكبريتات 2 OK
وطبعا الــ2 اللي عند الكبريتات بتكون برع القوس
صــ16
(تسمية المركبات الجزيئية الثنائية)
في آخر الصفحة بتشوفين مكتوب عندج بعض العناصر اللي تبتدي من الكربون وتنتهي من الفلور
عند الكربون اكتبي أقل سالبية وعند الفلور اكتبي أعلى سالبية
اللي أعلى سالبية بنسميه أول أو ثاني أو ثالث أو رابع أوخامس وجذي كله
واللي أقل سالبية بنسميه أحادي أو ثنائي أو ثلاثي وجذي كله
تعالي نحل المسألة صــ17
يبى منج As2O5
أول شي نشوف منو أعلى سالبية وهو الاكسجين لكن الزرنيخ أقل سالبية
فبنقول خامس أكسيد الزرنيخ الثنائي وبس
صــ18
(الاحماض والاملاح)
اذا كانت الأيونات تنتهي بالمقطع يت الحمض المقابل بينتهي بالمقطع وز
اذا كانت الأيونات تنتهي بالمقطع ات الحمض المقابل بينتهي بالمقطع يك
اذا كانت الأيونات تنتهي بالمقطع يد الحمض المقابل بينتهي بالمقطع هيدروــــــــ يك
أمثلة
نيتريت ــــــــــــــــــــــــــ نيتروز
كبريتات ــــــــــــــــــــــــ كبريتيك
بروميد ــــــــــــــــــــــــــ هيدرو بروميك
(الجدول حفظ)
ويا رب اتكوني فهمتي لاني وايد تعبت في الكتابة
بس ما عليج مني المهم انت تفهمين
بس وانت تقرين الشرح افتحي الكتاب عشان اتعرفين أنا وين واصلة
مشكووره أختي على هذا الشرح ما قصرت
ساعدتني واااايد
ترانا حاظرين للحلوين