شحالكم
عندي مممم مب مشكله اقدر اسميها معاناه
المهم
انا بنت شاطره والحمد لله ربي موفجني فدراستي اروح المدرسه مفتحه عقلي ازعل اذا نقصت نص درجه اطنش احيان بس الضيج يتم مكبوت في قلبي ارجع اتغذا ولا الحال واحد اصلي وارقد اذا مارقدت بخلص اشغالي ع الابتوب من تقارير وبروجكتات وسوالف اخلص على طول افتح الكتب ابدا فكتاب كتاب اسوي ريفيو ع اللي خذته في اليوم مره ومرتين بعدها يكون حيلي متكسر علي حته اصبع من اصابع ايدي ماقدر احركهم المهم ارقد هنيه وعلى هالحال
اليوم وما ادراكم مال اليوم يبت الشهاده
وربي الشاهد عليه ان درجاتي تسر العدو والصدييق الحمد لله ثم الحمد لله كلهم امتياز
رجعت وانا فرحانه اتريا كلمة مبروك من امي شافت الشهاده بطرف عينها وماردت عليه
ابويه باسني على راسي وقالي موفجه فديتج وشو فخاطرج ووقع عليها
ليش اهلنا جييه مايهتموون وربي درجات الدنيا ماتسوى عندي يوم اسمع كلمة مبروك من اعز البشر ((امايه))
تعرفون دوم المسات يبون امايه تي السكول عسبت يكرمونها على مستوى المدرسه ((تكريم امهات المميزات))
وامايه دوم تنشغل تقوولي بي وتوعدني واخر شي ماااتي
ياربي ماتحسووون الضيج اللي فيه
انا خايفه ينزل مستوايه ويأثر كل هذا علي
يناس شوفو لي حل
مع العلم
امييه عندها ماجستير في هندسة الديكور وتعرف شو يعني الواحد يدرس
معقوله الشغل اهم من العيال
اوكي عيل ليش يابونا يوم بينشغلون عنا جيييه
اويه اكتب ومب قادره افتح عيوووني الشاشه كلها دموووع
ااااااااااه ياربي
يناس اذا ماشفتولي حل بنتحر
انا عندي ابووووويه هب معبرني … اقوله بحدر الجامعة السنه الياية
يقولي عادي دشي التخصص اللي تبينه
اقوله بسير رحلة ويا البنات يقول وقعي بدالي
اقوله ارييييد بيزات يقول شلي اللي تبينه من البوووووووووك
صرااااااااااحة هالشي صااااااار عادي عندي وما اتخيل افكر فيوم انه ايي يتخبرني
الا مرة وحدة كان يالس فحيرته وانا فحيرتي تخيلوا مانزل يسال عني
اللي سواه اتصل علي ع الموبايل وقالي وينج ما شفتج من مدة ؟؟؟
كان خاطري اقوووله سافرت بس سكت
ابوووووووووووويه واااااااااااااايد طيب ومتأكدة انه يغليني اكثر وحدة من بين اخواااااااااني بس ما يبين هالشي موووووووووول
بنت علمي*_*
جعل ربي يخليه لج ويخليج له
بس أبغي أقولج هالكلام وأبغيج تفهمينه عدل
حبيبتي المتميز يظل متميز … فلا تخلين أي شي يأثر على مستواج
والناس مشاغل وتذكري قول النبي صلى الله عليه وسلم :
( إلتمس لإخيك سبعين عذرا )
فلا تزعلين منها ترا هذي في البدايه والنهايه أمج 
وألحين عاد نبغي نسمع الأخبار الطيبة … والامتحانات ع الأبواب
لازم تذاكرين عدل وما تخلين شي يخرب عليج لا التفكير ولا غيره
نبغي نسبه عاليه حبوبه … وإذا ما يبتي يا ويلج مني >> أوني معصبه << 
الله يوفقج و يسهل أمورج
مبارك عليك تفوقك واستمري هكذا سواء أكان هناك تشجيع أم لا
بالنسبة لأمك .. فصدقيني
إنها تتمنى لك الخير
وتتمنى أن تكوني أفضل بنت في العالم
ربما هي مشغولة حقا أو مهمومة من مسؤولياتها فاعذريها والتمسي لها العذر
وسيأتيها يوووووووووم تفخر بك وبإنجااااااااازاتك الرائعة وكذلك أهلك ووطنك
كل التوفيق لك
حوالي تتقربين منها أكثر ..
اقري لج صفحة من القران
وادعي لها بالهداية ..
بتحسين انها روحهاا بتتقرب منج
انا امي كانت كل يوم شد ومنازع في البيت والسبة الدراسة الحمدلله انا شاطرة بس حسيت انها خلاص ملت
فبعدين انا اللي قمت اتقرب منها ارمس وياها شو سويت في الامتحان وفي المدرسة
والحمدلله توفقت في هالشيء ..
والسموحة على الاطالة ..
انا سمعت رواية وما اققدر اييب من عندي وكان في الرواية ان رجل طاف على الكعبة وحامل امه على كتفه وبعدين سال الرسول (عليه الصلات والسلام) رد عليه انه ما وفا بحق الأم ومابالج انج تقولين انها مو مهتمة في موضوع الدراسة ..
(الله يوفقج دامج متميزة وإنشاء تنفعين الوطن وتتخرج اجيال على إيدج..) اخوج عزوز …