اسعدتم مساء اخواني واخواتي وعسى ان تكونوا بصحة وعافية
في الحقيقة كان عندي بعض الاستفسارات حول الكلية واتمنى تفيدوني باللي تعرفونه 
اولا واللي هو اهم سؤال بغيت اسألكم,كلية التقنية للمواطنبن فقط ولا عادي للمواطنين والوافدين؟
ثانيا انا سمعت انه في كلية التقنية ما يفرقون بين العلمي والادبي بس مب متأكدة من صحة هالكلام سواء كان صحيح و كان
مطبق مسبقا , في كل الحالتين حبيت اعرف ها هالكلام صج اترا انتو في الكلبة وانتو ادرى بها , يعني حد لو طالع من
الادبي وقال بيدخل طب , كلية التقنية تقبله داه يايب نسبة عالية وتساوي بينه وبين اللي بالعلمي؟؟
واذا كان هالكلام
صحيح , هل تخصص هندسة اتصالات يقبل الطلاب سواء كانوا علمـــــي او ادبــــــي؟؟
ثالثا انا سمعت بعد انه الجامعة اول ما تبين تدخليلها بعد الثانوية عادي مايطلبون شهادة توفل او الايلتس بس في
السنة الثالثة يبون شهادة الايتلس , صج هالرمسة؟
رابعا تخصص الادارة لو تعرفون , هو كم سنة يباله وكم رسومه؟
واخيرا , بشكل عام كيف مستوى التدريس بالجامعة وهل بعد الكلية فرصة الشعل متوفرة وهل شهادة الكلية قوية؟
طبعا اللي يقرا اسئلتي يقول ماشاء الله هاي محسبة روحها في مقابلة وما قصرت بس لا والله صدق اذا تعرفون اي شي من
اللي سألتكم عليه يا ريت تفيدوني, مب شرط كل الاسئلة حتى لو سؤال جاوبتوني عليه , ما رح ابخ عليكم بالدعاء والشكر
بالتوفيق للجميع ولا تنسون تدعون لاخاننا في غزة , كثفوا من الدعاء ونسمع الفرج قريييب
في انتظار ردودكم بفارغ الصبر
في وداعة الرحمن
انا بخلي اختي ترد عليج بما إنها طالبة تقنية …,,
فالتقنية ما في فرق بين طلاب العلمي والأدبي من حيث المعاملة …,,
بس في تخصصات تقبل بطلاب اللأدبي بس والعكس ويا العلمي …,,
والتقنية بس للمواطنين لا غير …,,
أول الدخول للكلية يمتحنون سيبا ويحدد مستواج وبعد الدراسة فالكلية لثلاث سنين شرط تمتحنين ايلتس وإلا توفل …,,
بس فالتقنية ايلتس لإنهم ما يعطونج شهادة بدونه هالإمتحان …,,,
ومن ناحية الوظايف الكلية اكثر لها وظايف عسب الخبرة والشهادة …,,
ومن ناحية البيزات ما ينحسب لإنها حكومية …,,
وربي يوفقج …,,
اتمنى إنج حصلتي كل شيء تبينه …,,
وإذا في عندج سؤال انا حاظرة …,,
ولا تترددين ولا تستحين تراني اختج العودة …,,
يزاج الله كل خير
علعموم مبررروك للكل ع انتهاء الامتحانات وعقبال النتايج يارب الله يستر
انزين سؤال عالسريع>>دوم العوز المدرسين بالاسئلة وكل مرة اقلهم سؤال عالسريع , يوم عصبوا قالولي انتو في الحالتين بتسألين , لا تمين تقولين عالسريع و عالطاير<<
اولا هل يسمحون للادبي يدخلون (تمريض)؟واذا يسمحون , هل عندكم فكرة حق
اللي يدرسونهم اياه؟وهل له فروع التمريض؟ واذا خلصت تلاقي شغل للتمريض؟
ثانيا شو التخصصات الادبية اللي مطلوبة بشكل كبير هالايام؟
ثالثا شو التخصص الادبي اللي يباله اعلى نسبة تييبينها عشان تدخلينها؟
رابعا شو اطول تخصص وشو اقصر تخصص في الادبي؟>>بروح افصل ثوب حقه<<
خامسا يا ليت تخبروني لو تعرفون, كل التخصصات الادبية المتوفرة في جامعة الشارجة حاليا + جامعة الشارقة الامريكية
وبس
طبعا لو تجاوبوني على سؤال من هالاسئلة احسن من ولا شي, فيا ريت لاتبخلون علينا باللي
عندكم وجاوبوني ع اللي تقدرون عليه
في انتظار ردودكم وردود اختي العودة
في امان الله
مشكورة اختي khadooj ع الرد
بس هل صحيح بأن الجامعة صارت تقبل الوافدين؟؟!!
اخوي الجالبوت
اعتقد ان أسئلتي كانت واضحة ( عن التخصصات والجامعات ) لا اقل ولا اكثر
بس هذا اللي اقدر اقوله لك
في انتظار باقي الردود يا اخواني واخواتي في الله
في امان الله
انا برد عليج ..
اولا واللي هو اهم سؤال بغيت اسألكم,كلية التقنية للمواطنبن فقط ولا عادي للمواطنين والوافدين؟
مواطنين .. بس يقولون بيجخلون وافدين بس بيدرسون بفلوس
ثانيا انا سمعت انه في كلية التقنية ما يفرقون بين العلمي والادبي بس مب متأكدة من صحة هالكلام سواء كان صحيح و كان
مطبق مسبقا , في كل الحالتين حبيت اعرف ها هالكلام صج اترا انتو في الكلبة وانتو ادرى بها , يعني حد لو طالع من
الادبي وقال بيدخل طب , كلية التقنية تقبله داه يايب نسبة عالية وتساوي بينه وبين اللي بالعلمي؟؟ واذا كان هالكلام
صحيح , هل تخصص هندسة اتصالات يقبل الطلاب سواء كانوا علمـــــي او ادبــــــي؟؟
انا دارسة علمي و ربيعاتي اللي وياي ادبي .. فالكلية ما يخصه .. بس اذا الواحد دارس علمي بيكون اسهل عليه انه يدرس علوم صحية او هندسة من طالب دارس ادبي .. فالكلية كل شي يرجع للدرجات فالفاونديشن او الجالانج .. اذا تبين علوم صحية بيحطونج فاونديشن علوم و صحية و جي.
اولا هل يسمحون للادبي يدخلون (تمريض)؟واذا يسمحون , هل عندكم فكرة حق
اللي يدرسونهم اياه؟وهل له فروع التمريض؟ واذا خلصت تلاقي شغل للتمريض؟
ما عندي فكرة عن التمريض فالتقنية ,, اول مرة اسمع .. بس انا كنت ادرس تمريض قبل و حولت بس في جامعة الشارجة . و واااايد مطلوب و يبون مواطنين من تحت الأرض و في وظايف و الرواتب عالية خاصة في بوظبي و دبي .. و اذا الشهادة تكون بكالوريس تمريض يكون احسن.
ثانيا شو التخصصات الادبية اللي مطلوبة بشكل كبير هالايام؟
ما في شي مب مطلوب و موجود فالكلية .. اذا كان في تخصص و لغوه بيكون هذا مب مطلوب .. فلا تحاتين .
ثالثا شو التخصص الادبي اللي يباله اعلى نسبة تييبينها عشان تدخلينها؟
ما في شي جي
خامسا يا ليت تخبروني لو تعرفون, كل التخصصات الادبية المتوفرة في جامعة الشارجة حاليا + جامعة الشارقة الامريكية
في وااااااااااااااااااااااااايد ! و كل سنة يزيدون .. ادخلي موقعهم يكون احسن . بس تأكدي قبل ما تسجلين في أي تخصص من اللي انتي تبغينه و تحبينه و تحسين انج متمكنه منه عشان ما تضيعين كمن سنه عالفاضي
انشالله اللي قلته فادج و الله يوفقج حبوبة
بغيت اتنشد عن كلية فاطمة للعلوم والصحة شوالشروط للاتحاق بالكلية وشو تقبل من اي نسب
جزاكم الله الف خير
طيب حبيت اعرف هل هالكية لها فروعات في الطب ان كان فيها طب , يعني طب اطفال/عيون….الخ
وسؤال بسيط: هل في جامعة او كلية تقبل حد متخرج من ادبي ويايب نسبة عالية واوكي في الانجيش وحاب يدرس تخصص علمي هل يستوي؟ مثلا يعطونه دروس خصوصية او سنوات زيادة او ساعات زيادة المهم يخلوه بالمستوى المطلوب دام انه يايب نسبة عالية واوكي في الانجليش؟؟
الله يخليكم هالسؤال وايد طارئ يعني ياريت ترجولي خبر بأسرع وقت ممكن الله يخليكم ارجوكم ياجماعة الخير لاتتأخرون بالرد
في رعاية الرحمن
عن اخر سؤال اختي,
هيه سمعت من استاذ في جامعة الشارجة مادري الأمريكية ان عادي .. ياخذون وقت اكثر و كلاسات اكثر
بس تأكدي من هالشي
بس انا حاولت اسأل عن اللي قلته , بس يقولون ماعندهم فكرة عن هالرمسة , لو تروم انت تتأكدلي وتردلي خبر يكون زين والله
وياريت باجي الاعضاء يساعدوني وكله في ميزان حسناتكم ان شاء الله , ضروووووري الله يخليكم
في انتظار ردودكم