أنا الصراحة شفت التقرير وعجبني وايد يعني من ناحية إنه مرتب وبسيط ومختصر
بس أنا ما أحب أمر مرور الكرام عالموضوع يعني مثل "مشكورة" "ماقصرتي" "نتريا يديدج" … الخ
أنا عندي بعض الملاحظات وأتمنى ما يكون الأوان قد فات على طرحها
1
بالنسبة للتقرير: يفضل إن اللون الأحمر ما يستخدم في التقرير ولا حتى في صفحة الغلاف
لأن اللون الأحمر عادة يستخدم في التصحيح وهذا مش وجهة نظري وإنما هو واقع مجرب
2
أرجو ولست آمرا إن ما يكون في أي لفظ جلالة أو ماشابه في التقرير لأن هذا التقارير الله يعلم وين مصيرها
وحنا كلنا عارفين وين تروح التقارير في نهاية العام الدراسي
3
أنا زعلان وايد عليج يا دمعة الغراااام إنج ما حطيتي صور وأتمنى يكون عتاب محمود لأن في كثير من الطلاب
والطالبات راح يستفيدوا من الصور كاستفادتهم من التقرير بل بالعكس الصور تعتبر مكملة للتقرير
4
في واحد يسأل يقول وين ممكن أحصل "ترمومتر" أعتقد يمكن يحصله في أي صيدلية
واسمحولي عالإطالة والثرثرة
خويكم
بوفالح
لكثرة الردود الـطيبه