بعد غياب طويل وانقطاع عن هذا المنتدى النافع والجميل بسبب انشغالي بالدراسة والحمد لله تخرجت
الآن عندي لكم مشروع سويته من يومين … المشروع كله على بعضه أخذ مني حوالي 6 ساعات… لكن في النهاية
طلع شي مرتب ويسوى … طبعا المشروع مو مالي … انا اسوي حق اخواني الصغارية
المشروع هو عبارة عن حساب لسرعة جسم أو مقذوف يتحرك بمسافة أفقيا ثم ينزل ليرتطم بالأرض
فكرة المشروع وااااااااايد بسيطة وما تاخذ وقت … واذا انتو غيرتو في بعض أدوات المشروع يمكن ياخذ وياكم 3 ساعات
عالعموم انا كثرت كلام بس كان لابد منه … بتحصلون في المرفقات ملف الوورد للمشروع
وما راح انزل صور المشروع لين ما احصل انه في اهتمام من زوار الموضوع… يعني شوية ردود على الجزء الأول من
الموضوع … انا مو قصدي اذلكم لكن صدقوني الموضوع حساس … الفكرة من عندي وكذلك التنفيذ … انا عملت الحركة
هذي عشان اكسب اكبر عدد ممكن من الزوار وبالتالي عدد اكبر من المستفيدين من هذا الموضوع
اقول يا خوي مشكور على المرور … بس انت شكلك ما قريت انا شو كاتب … الملف في
المرفقات هو عبارة عن تقرير للمشروع … المشروع عبارة عن مجسم وبإمكانك تجرب فيه فكرة المقذوفات بطريقة سهلة وما فيها أي تعقيد …
انا بحط صورة وبشوف هل في اهتمام ولا لأ … بس عشان انزلكم كيفية عمل المجسم وبقية الصور
نتريا ردودكم ..
بس قررت أحط الصور بس لعيون الذين ردوا عالموضوع … أكيد مع الشرح
أصل المشروع عبارة عن كرتون (بفك عمان) … حلاته مع الدقوس …
الصورة (2)
المشروع بعد اكتمال التجليد … طبعا مستخدم نوعين مع الجلاد … أحمر وأصفر
انا حاط فلين تحت الكرتون بس عشان يمسك الكرتون وتكون قاعدته ثابته وسهلة للحمل
الصورة (3)
نفس الصورة (2) بس حاط الكورة في وضع الاستعداد
الصورة (4)
صورة للمشروع من فوق
الصورة (5)
صورة من وضع قذف الكورة
………………………………………….. ………………………..
أي سؤال أو استفسار انا حاضر … وعندي حاليا مشاريع ثانية قيد التنفيذ …
نحن على أيامنا ما كانت هذه المشاريع لها وجود … ما أدري لو كانت موجودة شو كنت بنسوي …
أكيد كنا بناكلها … بس نحن لازم نساعد بعض … وأنا حاضر لأي رأي أو انتقاد
والله في الحقيقة انتي فتحتي مواضيع وااايد من خلال هذا الرد البسيط … ما شاء الله عليج … يبين انه من الخاطر ..
خليني أجزئ مشاركتي:
(1)
فيما يخص المدة اللي قضيت فيها أسوي المشروع … طبعا الفكرة كانت من عندي بس يوم يينا نطبقها ما حصلنا الا
كرتون (بفك عمان) كان هو المنقذ … وبعد قلنا تجليد وترتيب وتنظيف … ترا للمعلومة بس ..
ترا تجليد الكرتون مو بالشي السهل يعني مو كل حد يجلد كتاب يروم يجلد كرتون بفك … نحن جلدناها بطريقتنا بس يمكن
حد ثاني يجلدها بطريقته ويمكن تتطلع أحلى وتآخذ وقت أقل (وما أوتيتم من العلم إلا قليلا) الآية
(2)
أما بخصوص مشروع الاحتباس الحراري .. أنا الصراحة ما شفته بس (أظن) انا نحن ما نقدر نقارن مشروعين مخلتفين
كليا وإن تشابهوا في بعض الأدوات، ونقول انه مشروع أخذ وقت أقل من الثاني .. مع اختلاف الموضوع والأشخاص الذين
يقومون بالعمل … اسمحووولي طولت وايد … باقي آخر نقطة وهي مهمة جدا جدا جدا جدا
(3)
أنا الصراحة (أعوذ بالله من أنا) ما أحب أصرح بهذا التصريح للطلاب لأنه في الواقع هو محبط نوعا ما ويمكن في ناس
كثير يعرفونه .. الموضوع هو فيه عدم إنصاف للطلاب في موضوع المشاريع والتقارير
مثال: واحد ياب مشروع مرتب ويسوى والثاني ياب مشروع لنفس الموضوع لكن مو هذاك الزود، تلاقي انه الطالبين
ياخذون نفس الدرجة لأنه بين قوسين أحمرين (في تعليمات من الوزارة) .. أنا مو قصدي أفتح موضوع حساس أو
أثير نقطة جدل بس هذه حقيقة يمكن يعرفها الناس الذين هم خارج المدرسة قبل داخلها .. وهذي النقطة أثرتها بس تعقيبا على
كلام (دمعة الغرااااام) تقول فيها أن مشروعها أخذ درجة كاملة … ((لا تفهميني غلط)) .. مو تقليل أبد في مشروعج
والجهد اللي بذلتيه لكن أنا كنت أبا أوضح مفهوم الدرجة الكاملة في مدارسنا وللأسف!!..
وهذا سببه واضح … الطلاب نفسهم مو مهيئين بعد للقيام بالتقارير أو بعض المشاريع وأنا أتكلم على غالبية … حتى لو
سرتوا الجامعة ، الواحد يباله تقريبا سنة عشان يتعلم يكتب تقرير مثل الناس
.
.
.
وبس
تحياتي
بوفالح
بس أنا أحتج … أخذت فكرتي وما خبرتني ….
بس تبا الصراحة …. روعة … ما شاء الله عليك والله إنك عجيب وما فيك حيلة
أنا الصراحة وااايد مستانس إنه في أحد استفاد من الفكرة وطبقها وأتمنى إنك تحصل درجة كاملة
بس عندي ملاحظة بسيطة وأتمنى إنك تكون لسه ما سلمت المشروع .. الفكرة هيه انك تحط رمل داخل الصندوق
عشان يوم ترمي الكرة تعرف بالضبط وين ضربت الكرة وبالتالي تقدر تحسب سرعتها
واسمحولي انا ما حطيت صورة للصندوق والرمل بداخله
تحياتي
بوفالح
يحط ورقة بيضاء وفوقهاورقة كربون وربي
جي ليصير روعه
وتحياتي
أنا أرفقت صورة وأكيد هي واضحة جدا … طبعا ما أضفتها قبل وتركت حيز للتفكير بس الحين خلاص ما شي وقت
للتفكير أكيد لأن الامتحانات قربت
طبعا أبيج تنتبهين للكسرات اللي في الكرتون والقياسات أخليها عليج والصور الباقية مكملة وواضحة
أي سؤال أنا حاضر!!
تحياتي