حابة أسوي خير…
اللي يبا يفهم العروض يقولي ومارح أقصر وياه…
بس بليز تعطوني البحور اللي تبوني أشرحها…
اوكي…بالتوفيق للجميع…
مبادرة جميلة ،،
وانا بكون أول وحده
ابغي اعرف كيف نقطع
لانه ساعات مايضبط وياي التقطيع
ولج حرية اختيار البحر
مثلا : بحر البسيط ،،
وبكون ممتنة لج يالغالية
لوسمحتي ضروري الله يخليج
شحالكم؟؟
البيت البسيط يكون تقطيعه مستفعلن في الشطر الاول مرتين (سالمة) واحيانا تكون متفعلن (متغيرة)
وفاعلن مرتين بالشطر الاول ( سالمة ) واحيانا تكون فعِلن ( متغيرة )
أما الشطر الثاني – الضرب – يكون تقطيعه مستفعلن في مرتين (سالمة) واحيانا تكون متفعلن (متغيرة)
وفاعلن مرتين ( سالمة ) واحيانا تكون فعَلن أو فاعل ( متغيرة )
وإن شاء تكونوا فهمتوا ……. والسمووووووحه
بس في البداية حابة أقول أشكركم على تفاعلكم ..ووماقصرتي يالعنيدة بالمشاركة…
البحر البسيط يالحلوين يعتبر من البحور الممزوجة ..
والبحور الممزوجة هي : التي تقوم على تفعيلتين مختلفتين في الشطر الواحد..
يعني عندنا في البحر البسيط وهو وزن عروضي يتكون من ثماني تفعيلات أربع منها في الصدر ومثلها في العجز..وهي مكونة من تفعيلة (مستفعلن)و(فاعلن)تتكرران مرتان في كل شطر…
يعني:
مستفعلن / فاعلن / مستفعلن / فاعلن،،،،،،،،،،،،مستفعلن / فاعلن / مستفعلن / فاعلن
وقد يطرأ على تفعيلتي هذا البحر (مستفعلن وفاعلن) تغيييير على النحو التالي … خليكم ماعي يالشطار…
(مستفعلن) _ _ ب_ ،،،، (متفعلن) ب_ب_
لاحظتوا الفرق.. بس تغير واحد في مستفعلن…
أما في تفعيلة فاعلن… يصير ثلات تغييرات… شوفو كيف…
فاعلن رموزها _ب_ ،،، أما عن التغيرات اللي تصيرلها ::::
1) فَعِلُن بالكسرة ع العين ، ورموزها ب ب _ …
2) فعلن بالسكون ع العين بس مضيعة السكون أنا… رموزها _ _ ..
3) فاعل .. واايد يلخبطون بين فاعل وفعلن اللي بالسكون… يوم يقطعون…
بس تعرفون شي أصلا ماتفرق جان حطيتو فاعل أو فعلن اللي بالسكون بس
من الأفضل ومثل ماتقول أبلتنا انحطها فعلن بالسكون بدال فاعل..
بس عاد اللي يبى يسوي عمره فاهم وحاب يبين للمعلم يسير ويسويها فاعل… خخخ حلوة صح
اذا يينا نقطع هالبحر (البحر البسيط).. فواايد سهل ..خليكم معاي.. ولاتسرحون…
في أبيات شعرية سهل نقطعها.. اليي مافيها اشباع .. واللخبطة تكون باللي فيها اشباع..
والشاطر تراه بتبين شطارته بالاشباع… 
المهم ..
أنا ان شاءالله بحطلكم بيت بدون اشباع وبيت باشباع وبقطعه لكم…بس فاصل ونواصل..
حيااكم الله..واللي عنده أي استفسار يستفسر… وأي مساعدة أنا حاضرة..