عندي سؤال ارجو الجواب () الصف_10 2024.

الاول :-اطلع اسلوب الخبري و الانشاء يعني اريد شرح لهم

الثانية :- في المهارات اللغويه شو ادرس فيها و بخصوصه في اخر جزئيه في الكتاب لاني ما فهمه

وشكرا
ارجو رد بسرعة

ايا جملة تانية ما فيها ولا اسلوب من هالأساليب..بتكون خبرية..

..ما أجمل فصل الربيع..في هذا الفصل تتفتح الأزهار..وتغرد الطيور..و تنسج الشمس خيوطها الذهبية..
فهل رأيتم أجمل من هذا الفصل ؟ ..ليت الربيع يدوم أبدا ..

استخرج جملة انشائية :

ما أجمل فصل الربيع ( لإنها تعجب )..

فهل رأيتم أجمل من هذا الفصل ؟ ( لإنو استفهام )

ليت الربيع يطول أبدا..( لإنو تمني )

أيا جملة من هالجمل صح ..

اما جملة خبرية ::

هذا الفصل تتفتح الأزهار

..وتغرد الطيور..

و تنسج الشمس خيوطها الذهبية

أيا وحدة من هالجمل صح ..
لإنو هالجمل ما فيها ولا أسلوب من أساليب النهي..التعجب..الإستفهام..
فعطول بكون خبري..

اما آخر جزئية انا والله ما بعرف..
بس في آخر 3 صفحات بالكتاب فيها تعاريف احفظهم هاد يلي درستو

===

أول شي ..لازم تعرف شو يعني فعل معتل :

أجوف : ( بكون حرف العلة بالوسط ..قام..)
مثال : بكون بالأول ( وقف ..)
ناقص :بكون حرف العلة بالآخر.. رما
اللفيف المفروق بكون متل وعي ..
اللفيف المقرون متل نوى ( يعني حرفين علة ورا بعض )

==
بعدين ..مثلا بيجي سؤال..

حول المخاطب إلى مثنى و جمع :

الجملة هيي:

أنت تسعى إلى رفعة الوطن..و تدعو إلى البر..وترمي إلى الخير …

بدك تحولها للمثنى :

بتصير : أنتما ..
بعدين فعل تسعى ( آخرو ألف مقصورة.والألف المقصورة = ياء )
فبتصير..تسعيان..إلى رفعة الوطن

بعدين تدعو ( بتصير تدعوان إلى البر )

ترمي : بتصير يرميان إلى الخير..
يعني بس مجرد إضافة ألف ونون ..

هلا بدنا نحولها للجمع :

بتصير.: أنتم
تسعى ( بتصير تسعون )..بنحذف حرف العلة ..وبنضيف واو و نون..
و تدعو ( بتصير تدعون )..
ترمي ( بتصير ترمون إلى الخير )..

هلا بدنا نحولها لجمع مؤنث سالم ..

أنتن ( تسعى ..متل ما ئلتلك أصلها ياء ..فبتصير..تسعين )

وتدعو (..بتصير تدعون )

ترمي ( بتصير ترمين )..

الشهيد سما بروحه بعدما قضى نحبه ..

الشهيدان ..( سما..حولها للمضارع ..بتصير يسمو ..يعني أصل الألف واو ..) فبتصير : سموا ..بروحهما
بعدما..( قضى.. حولها للمضارع..بتصير..يقضي..يعني أصلها ياء..فبتصر..قضيا نحبهما )

هلا بدنا نحولها لجمع مذكر..

الشهداء ( بعدين سما..حكينا حولها للمضارع بتصير يسمو..يعني أصلها واو..فبتصير سمَوْا بروحهم..
بعدما ( قضى..بتصير يقضي..يعني أصلها ياء..ازا كان أصل الكلمة ياء بتصير هيك : قضُوا روحهم ..

يعني الخلاصة..لو كان عندك فعل..بدك تحولوا لجمع مذكر ..
وكان أصل الفعل واو ( متل دعا..يدعو..سما..يسمو )
لما نحولها للجمع ..
بنفتح يلي ئبل الواو..يعني دعَوا..
اما لو كان أصلها ياء..
متل قضى ( يقضي )..بتصير..قضُوا..يعني بنضم الحرف يلي ئبل الواو