ممكن حد يساعدنى فى درس معرفة الزمن , كيف احسب الوقت إذا كانت الدوله شرق او غرب او اذا كانوا فى نفس المكان
بليز بسرعة وشكرآآآآآآآآآآآآآآآآ
يمكن اتأخرت بالرد بس انا جديدة وشفت طلبك ولقيت انو ما حدا رد عليكي فحبيت رد
ليكي بالكتاب طالبين منك تعرفي الزمن بالنسبة لمدينة أبوظبي من كل هالمدن يلي عاطينك ياها
فلو كانت المدينة على اليسار فبتطرحي مثلا ( أبوظبي من القاهرة ) فبتطرحي (54-31)=23 هيك انتي أوجدتي الفرق بين خطوط الطول وبعدين بتيجي للوقت فبتضربي الناتج يلي طلع معك بالفرق بين خطوط الطول ب (4) يعني (23×4) بعدين بدك تحولي الناتج لساعات يعني تقريبا كم ساعة وكم دقيقة بيطلع الفرق ( ساعة و30 دقيقة ) بعدين بدك توجدي فرق الزمن فبتطرحي الساعة بأبوظبي من عدد الساعات يلي حولتيون يعني هيك ( 12-1.30)=10.30
أما إذا كانت المدينة عاليمين فبتجمعي (يلي بتجمعيه هو بس فرق الزمن )
مثال : إذا كان بدك توجدي الفرق بين أبوظبي وبومباي (نفس الطريقة الأولى) بتطرحي الصغير من الكبير حتى توجدي الفرق بين خطوط الطول يعني (73-54=19) بعدين بدك توجدي الوقت فبتضربي الناتج يلي طلع معك ب (4) هيك (19×4=76) وبتحوليون لساعات بيطلع (ساعة و16 دقيقة)
**** هون الاختلاف : هون بقا بدك توجدي فرق الزمن فبما إنو المدينة المطلوب ايجاد الزمن فيها عاليمين فمنجمع الوقت بأبوظبي + الوقت ببومباي
(12+1.16=13.16)
فقط
سوف يغلق
لانتهااء الفصل الدراااسي الاول