اشحالكم
ابا منكم كم استفسار
انا خريجة 2024 الثانوية العامة من القسم العلمي
أبا أدخل طب جامعة الامارات
بالنسبة للتخصصات اللي نقدر ندخلها بعد خمس سنين طب عام شو هي ؟؟ قالولي ما موجود إلا نساء وتوليد في الدولة صح ؟؟
بالنسبة للسكن بعيد عن الجامعة ولا لاء؟؟
عادي الكلاسات مسائية أو لازم اتكون صباحية ؟؟
بالنسبة لدراسة الطب سهلة ؟؟؟
المستجدات سكن خاص وله مع بعض ؟؟
والله ما عندي فكرة عن الموضوع بس حبيت اساعدج شوي
ممكن تلاقين بعض الاجوبة في هذا الموضوع
https://www.study4uae.com/vb/study4uae41/article170985/
والسموحة على التقصير
وبالتوفيق ان شاء الله
والله ييسر امورج
فمان الله
أولأ أسفة للتأخير و
انشاء الله أقدر أجاوبج على أسئلتج..
بالنسبة للتخصصات اللي نقدر ندخلها بعد خمس سنين طب عام شو هي ؟؟ قالولي ما موجود إلا نساء وتوليد في الدولة صح ؟؟
الجواب : بالنسبة لها السؤال والله ماعرف ولاعمري يعني سألت عن الطب. بس يقولون بنات الطب يدرسون الأغرو قبل يعني في ااصيفية ما اتصلو فيج؟
بالنسبة للسكن بعيد عن الجامعة ولا لاء؟؟
الجواب: دوم المستجدات حبيبتي يحطونهم في سكن توام وهو بعيد شوي عن الجامعة لين توصلين للجامعة تقريا عشر دقايق. .. بس أذكر أن بنات الطب يكونون دوم في مقام 2.
عادي الكلاسات مسائية أو لازم اتكون صباحية ؟؟
دائما الجامعة أول سنة للمستجدات هم الجامعة بروحها تنزل لكم الجداول يأما مسائي أو صباحي . أنا السمستر الأول كان مسائي يبدا من 2 ويخلص 7.أما السمستر الثاني لخبطوه حقنا . نبدا 8 الصبح وأنخلص على 1 وفي منهم يدون 10 ويخلصون 4.
بالنسبة لدراسة الطب سهلة ؟؟؟
والله ها مب من تخصصي ويعني ما أقدر أقولج سهل ولا صعب . حبيبتي صلي صلاة استخارة وهي بتبين لج أذ كان الطب هو الأنسب لج..
المستجدات سكن خاص وله مع بعض ؟؟
كما قلت سابقا أن المستجدات سكن توام في الغرفة 3 بنات أو 2 ..
والسموحة على القصور………………….
بالنسبه للكلاسات نحن ماعندنا جدول ثابت يعني انه طول الكورس نفس الشي .. لا .. .. كل اسبوع غير .. وهم من قبل يكونون عاطينا الجدول وحاطينه اون لاين
دوامنا من ٨ لين ٤ .. بس مرات انخلص من وقت يعني ٢ او ٣ واحياناً ١٢ وجيه
(احتمال هالشي يتغير السنة اليايه لانه بيكون نظام كورسات .. بس ماعندي علم)
اما عن التخصصات … ف نحن ندرس ٦ سنين طب عام عقب اللي يبا يتخصص يكمل
وماشالله المستشفيات كل سنة يفتحون تخصصات يديده.. في وايد تخصصات مب بس الا امراض نسائية
وكل مستشفى تقدم تخصصات غير بعد ..
ان شالله اكون فدتج اختي ..
واذا عندج اي استفسار ثاني انا حاضره 