انا عندي أسئلة عن البعثات الخارجية ( دراسة خارج دولة )
و ما عندي اجوبة و ما اعرف اسأل منو عسب جي ييت عشان اسألكم و ان شاء الله أحصل على أجوبتي و أبا أتأكد من كل شي قبل ما اسجل
و هذه هي أسئلة :
1- ( أن تكون الدراسة عن طريق الانتظام الكلي في بلد الدراسة ) شو يعني ها ما فهمتها عدل ؟
2- ( التخصصات المطلوب دراسته ضمن التخصصات التي تحددها الوزارة سنويا مثل العلوم الطبية , العلوم الهندسية و الوراثة و العلم الجينات و العلوم المالية و الصرفية و السياحة و الفندقة و تكنولوجيا المعلومات و العلوم البيئية ) شو يعني ( تخصصات التي تحددهل وزارة ) يعني الحين انا أبى أدرس ( الاعلام , نظم المعلومات و الكمبيوتر ) يعني ما اروم أدرس هذه تخصصات ولا شو ؟
3- ( على طالب تقديم نتائج امتحان الـ ielts للوزارة ………………..) كيف اروم امتحن ielts ؟
الحين انا مثلا اخترت جامعات الأمريكية بس ما فهمت بعض شروط
1- ( شهادة أول و ثاني و ثالث الثانوي باللغة الانجليزية ) من وين أييب شهادات باللغة انجليزية و متى لازم اعطي شهادات و كيف ؟
2- امتحان توفل وزارة تححدها و يمتحنها في وقت الي يحددونها صح ؟
3- (شهادة الضمان المالي الشخصي , حيث يتم اصداره شهادة ضمان المالي من الوزارة بعد حصول على بعثته دراسية فعليا ) شو يعني ( شهادة ضمان المالي الشخصي ) انا ما عندي ولا شهادة ضمان ……… الشخصي و من وين اييبه؟
4- شهادة التطعيم ضد الأمراض معتمدة و مصدفية ……………… قد حصل على التطعيمات التي تشترطها الجامعة قبل القبول ) كيف اعرف اي جامعة تبى اي تطعيمات و موب وزارة الي تحدد جامعة الي ادرس فيها ؟
( عنوان السكن ………………… ) كل شي لازم اكتبه في موقع napo صح ؟
و ابى اجابات باسرع وقت ممكن
و شكرا
بجاوب على اللي اعرفه ^^
اقتباس:
أن تكون الدراسة عن طريق الانتظام الكلي في بلد الدراسة
يعني تنتظم فدراستك فالدوله اللي بتروحلهأآ ..بلا غياب ولعب وجيه ..^^
اقتباس:
التخصصات المطلوب دراسته ضمن التخصصات التي تحددها الوزارة سنويا
يعني الوزاره تحدد تخصصات مب موجوده فالدوله ..فكل التخصصات اللي ذكرتها مب موجوده هني ..عشان جيه لازم تدرسها خارج الدوله ..
كيف اروم امتحن ielts ؟
ادخل اي معهد يدرس ielts اذا ماتعرف انجلش وايد ..وعقب امتحن ^^ عادي سهل الامتحان ..
موفق خيو ..