امس واحد من ربعي قالي سالفة صدقية مستويه في ابوظبي
واليوم قريت نفس السالفه فأحد المنتديات.
فقلت لازم انقلها للعبره لانه فعلا امر خطير جدا
السالفه سلمكم الله
اثنين شباب ..من فتره مب طويله …شلوا عشاهم و ساروا يتعشون في شاطئ الراحه في بوظبي…
يتهم حرمه عيوز و يلست تلقط من الاكل المتنثر…قالولها يدوه انت يوعانه…قالت هيه انا من الصبح هنيه و ما كليت شي…
قالولها انزين شو يايبنج هنيه؟قالت ولدي نزلني و بيرد عليه….
المهم شلوا اغراضهم..و حسوا الشباب ان الوقت متأخر و ما يستوي يخلون الحرمه العيوز بروحها فالليل…
قالولها..انزين عندج رقم ولدج؟نحن بنتصل له..قالت هيه..و طلعت ورقه صغيره من مخباها…يوم طالعوا شو مكتوب
“من يجد هذه المرأه يأخذها لبيت العجزه”
انصعقوا الشباب من اللي مكتوب…و يلسوا ساعه يترجونها انها تسير
معاهم….
لكنها ما رضت … و قالت لا انا بتريا ولدي..هو بيي ياخذني….تموا وياها ساعه يترجونها
لكنها كانت وايد مصره ان ولدها بيي ياخذها”مسكينه ما تدري بحقارة ولدها”
المهم….روحوا عنها الشباب….
واحد منهم ما رضي يرقد….يتجلم و يفكر فيها…..
لين ا استوت الساعه 2 في الليل…نش من على الشبريه و لبس ثيابه بسرعه…
و سار الشاطئ….شاف اسعاف و شرطه…هجم بينهم و سألهم عن الحرمه…
قالوله توفت…ارتفع عندها الضغط و ماتت…
ارتفع عندها الضغط على حسرتها على ولدها…تتحرى ان صار له حادث او مكروه…
يالله على قلب الام شقايل
ماتت وهي تحاتي على ولدها والولد كلمة حقير شويه عليه
فارنها و شارد وكأن امه هم و تخلص منه.
بس يا ويله من عذاب ربه .. وين راح يسير
هذا الشباب ماله امل بالجنه لانه رامى الجنه بأيده و سار
فنصيحة مني انا اخوكم أحمدووووووووه حاسبو على امهاتكم
ترى الامهات هم مفاتيح الجنه ان رضت عليكم رضى رب العالمين
لا تزعلونهم في شي واسمعو كلامهم حتى كلمة اووف لا تقولونها
تراها كبيره عند ربك.
الله يخلي لنا امهاتنا ان شاءالله وان شاءالله يكونون راضين عنا دوم.[/SIZE][/COLOR][/SIZE]
والله اخر الدنيا هذي … يالله يا كريم ارحمنا برحمتك …
مشكوووووووووووووووووور أخوي احمدووووووووووووه …
السلام عليكم
لا حول ولا قوة الا بالله
قصة تقشعر لها الابدان وتدمي القلوب
“بروا أباءكم تبركم أبناءكم”
وجزيت كل الخير على نقل القصة
..
المشكله الناس تشوف وتسمع كل يوم بالقصص هاذي ويعرفون انه هالشي غلط وبعد يسوونه
يعني هالولد مايعرف رضى الله من رضى الوالدين مب معقوله جاهل لهدرجه لكن عمى القلوب الله يبعدنا عنه
الله يخلي لنا امهاتنا ان شاءالله
اللهم ارحمني وارحم والديه وامة محمد صلى الله عليه وسلم
شووو من البشر هاللي يعق امه في الشارع
بس ويييين بيسير من عذاب الله هذا والله موصينا عليهم ….
بنت علمي *_*
و أتمنى إنكم تستفيدون من هالقصة
الله يسمع منك……يارب