شو الاخبار ؟؟
اذا حد يبا يعرف عن حالي فآنا >> 
اللي حاب يطلع ع الموضوع اللي نزلتهـ يتفضل >> عشان يفهم السالفهـ 
قرار حرمان من الشهادة .. ظلم x ظلم { كلية راك } .. بالصور
والسبب اني مليييييييت وتعبت من هالحالهـ
مب بس آناا كل ربيعاتي واللي استوالهم شراتنا
واللي زادهاا ان كان عندي امتحان ايلس شهر 4 ورسبت
بس القههههههههههر اني يايبهـ في
Listening 5.5
Writing 5.5
Speaking 5.5
Reading 3.5 >>> وهم يبون 4 
ومعدلي 5.5 >>> وهم يبون 4.5 >> ما يقبلونه لاني فوق يايبه 3.5 
مب قهرر ؟؟!!
مع اني كنت حاطه في بالي بنجح والا قولوا واثقه 100 %
لاني كنت مستعدهـ نفسيا حق الامتحان وسايره ماخذهـ دورهـ بعد >> 
والحين عندي فرصتين شهر 6 و 8 فقط وبعدهاا خلاص
يارب ربي يوفقني وانجح في امتحان شهر 6 > قولوا آمين وافتك من المذلهـ هاي
>> وع فكرهـ ترا احنا بنشتري الشهادهـ يعني مب هم بيعطونا ياها ع كل امتحان ندفع 800 ومن غير البنات اللي ياخذن دوراات ايلس ع 1500
بس معقولهـ الكل راضي عن هالمهزلهـ
ومحد ييتكلم ومخلينهم يسون اللي ع هواهم
والمشكلهـ ان قرارااات أجنبيهـ !! 
وانت يا المواطن غصبن عنكـ وافق ع هالقرارات
وين المسوؤلين ؟ >> ع فكرهـ انا سمعت عندكم ناس "و" في المنتدى ما اشوفهم سووا شي >>> 
قرارات ما تدخل العقل
واحنا بالذات آخر دفعهـ ذلووونا وااايد
واسئلوا وحدهـ وحدهـ 
آدري طولت عليكم بس اتحملوني
ترا بعدني مقهورهـ وما طلعت كل اللي في خاطري
أتركـ المايكـ لكم
والسموحهـ من الجميع
أختكمـ ،،
BiNt~RaK
^
^
والمشكله ما نعرف شو الاسباب
الله يوفقك الجميع وبشرينا على نتيجتج
الصراحة الله يعينج ويوفقج
لان اختي بعد نفس حالتج
اختي الانسان دايما" يبغي يوصل باسرع وابسط طريقه الا الى بياخذ درس من اخطاءه
يعني انا امتحنت تجريبي عند مدرس كنت اقول في خاطري هذا المدرس عنصري واكثر من مره يعطني محاضره طويله عريضه والعلامه 4 يعني مالك امل في النجاح والله كان يقولي هذا الكلام…… حطمني.
قمت انا وربعي نسير بعد الكليه الكوفي ونشل معانا نسخ من امتحانات الايلس مال الكليه الى في المكتبه ونوقت ونحل ويانا اليوم الموعود وامتحنا في الكليه وكانت النتيجه 5 بالعافيه ومره ثانيه 5.5
ومالج ايمن انا سرنا القنصليه البريطانيه وبدون دراسه يبنا 6
اسمحيلي اقولج انج لو كنت شديتي حيلج كان انتي ابخير وبسلامه
نصيحه انج تتعلمين من اخطاءج وهذيل الاجانب مالهم مصلحه في نجاحج او رسوبج شلي هذا الوسواس من تفكريج وحاول مره ثانيه وتوكلي على الله وصدقني بتيبين 7 او 8 على البراد
لاحقا اذا مهتمه برفق لج رابط كتب امتحانات الايلس جديمه بس مفيده.
تحياتي
تقبلي مروري